12 biełarusaŭ, jakija paciarpieli ŭ DTZ u Chiersonskaj vobłaści Ukrainy, praciahvajuć zastavacca ŭ balnicach na terytoryi hetaj krainy.
Jak paviedamiŭ pres-sakratar MNS Biełarusi Vital Navicki, čaćviora znachodziacca ŭ Kałančakskaj centralnaj rajonnaj balnicy, čaćviora (u tym liku dzicia) — u Chiersonskaj abłasnoj balnicy, dvoje — u centralnaj rajonnaj balnicy Krasnapierakopska, adzin — u centralnaj respublikanskaj balnicy i jašče adno dzicia — u dziciačaj respublikanskaj kliničnaj balnicy Simfieropala.
Razam z tym, pavodle danych pres-słužby ŭkrainskaha Mininisterstva achovy zdaroŭja, u balnicach praciahvajuć zastavacca 13 hramadzian Biełarusi.
Pavodle słoŭ Navickaha, viečaram 22 lipienia aŭtobus z 33 pasažyrami, jakija trapili ŭ DTZ, nakiravaŭsia z Kałančaka ŭ bok biełaruskaj miažy ŭ punkt propusku «Novaja Huta». Ranicaj 23 lipienia aŭtobus prybyŭ na miažu, dzie dvuch paciarpiełych zabrali svajaki. Astatnich pierasadzili na biełaruski aŭtobus, i ciapier u supravadžeńni miedykaŭ i psichołahaŭ MNS ich viazuć da miesca žycharstva. Siarod paciarpiełych u DTZ žychary Minska, Babrujska, Lidy, Baranavičaŭ, Oršy, Sianno i inšych nasielenych punktaŭ, adznačyŭ Navicki.
***
Nahadajem, avaryja adbyłasia apoŭnačy 21 lipienia na 105-m kiłamietry aŭtadarohi Chierson — Džankoj — Fieadosija — Kierč kala pasiołka Kałančak. Vadziciel hruzavoha «Ford Tranzita» z pryčepam pry ažyćciaŭleńni abhonu vyjechaŭ na pałasu sustrečnaha ruchu, dzie sutyknuŭsia z turystyčnym aŭtobusam «Sietra». U vyniku aŭtobus vykinuła na sustrečnuju pałasu, u jaho ŭrezaŭsia jašče adzin «Ford Tranzit», i paśla hetaha «Sietra» pierakuliłasia na levy bok.
U vyniku DTZ paciarpieli kiroŭcy abodvuch «Fordaŭ» i pasažyrka adnaho ź ich, a taksama 28 pasažyraŭ aŭtobusa, siarod jakich 25 hramadzian Biełarusi i troje hramadzian Rasii. Siarod paciarpiełych turystaŭ — šaściora dziaciej. Usiaho ŭ «Sietry» znachodzilisia 46 pasažyraŭ i dva kiroŭcy.
Aŭtobus jechaŭ pa maršrucie Jeŭpatoryja — Minsk.
Pa fakcie DTZ raspačata kryminalnaja sprava, pravodzicca rasśledavańnie.
Niaklajeŭ apublikavaŭ złabadzionny vierš. U im zhadvajecca i Kaleśnikava z Babarykam, i Cichanoŭskaja, i Prakopjeŭ z Paźniakom23
Kamientary