U subotu ŭ Parku Horkaha buduć biaspłatna razdavać sabak i katoŭ
11 žniŭnia ŭ minskim parku imia Horkaha hramadskaje abjadnańnie abarony žyvioł «Ehida» praviadzie akcyju pa biaspłatnaj razdačy biazdomnych sabak i košak.
Jak paviedamiła staršynia «Ehidy» Natalla Bialanava, akcyja prymierkavana da Mižnarodnaha dnia biazdomnych žyvioł, jaki adznačajecca 16 žniŭnia. Jaje meta nie tolki dapamahčy sabakam i koškam znajści haspadaroŭ, ale i pryciahnuć uvahu hramadskaści da prablemy biazdomnych žyvioł.
Akcyja pačniecca ŭ 13.00 i projdzie na małoj scenie, što nie kala hałoŭnaha ŭvachodu, a ŭ hłybini parku.Achvotnym nabyć sabie hadavanca buduć prapanavanyja 100 žyvioł — 60 sabak i 40 košak. Usie jany pryščeplenyja i sterylizavanyja, ź vieterynarnymi daviedkami i pašpartami.
Budučyja haspadary, u svaju čarhu, pavinny prynieści z saboj pašpart, ašejnik i pavadok dla sabaki abo pieranosku dla kata.Jany zmohuć atrymać biaspłatnuju kansultacyju vieterynara.
Toj, chto nie płanuje vybrać sabie sabaku abo kata, moža prosta dapamahčy biazdomnym žyviołam — prynieści dla ich korm, amunicyju, leki, pieranoski, napaŭnialniki dla prybiralni. Budzie arhanizavany zbor srodkaŭ, pryznačanych dla akazańnia dapamohi žyviołam.
Dla naviedvalnikaŭ praduhledžana zabaŭlalnaja prahrama: spabornictvy pa adžylici, frystajł, vystupleńnie pradstaŭnikoŭ chakiejnaj kamandy «Dynama», jakaja padtrymlivaje dziejnaść «Ehidy».
Jak padkreśliła Bialanava, arhanizacyja pastajanna maje patrebu ŭ samaj roznaj dapamozie. Achvotnyja ŭnieści svoj układ u spravu abarony žyvioł mohuć źviazacca z supracoŭnikami «Ehidy» pa telefonach na sajcie www.egida.by.
«Tolki ŭsie razam my možam vyrašyć prablemu biazdomnych žyvioł», — pierakanana Bialanava.
Kamientary