Jaje dola ŭ ahulnym abjomie spažyvańnia ałkaholu skłała 49,8%.
Pavodle źviestak Biełstata, u studzieni—lipieni 2012 hoda realizacyja harełki vyrasła na 7,2% u paraŭnańni sa studzieniem—lipieniem 2011 hoda. Pradadziena 6 młn. 958 tys. dał harełki, jaje dola ŭ ahulnym abjomie spažyvańnia ałkaholu skłała 49,8% (u studzieni—lipieni 2011 hoda — 43,7%).
Dola realizacyi ałkaholnaj pradukcyi ŭ ahulnym abjomie roźničnaha tavaraabarotu ŭ studzieni—lipieni 2012 hoda skłała 10,6%. Na spažyvieckim rynku realizavana ałkaholnych napojaŭ i piva na 8,7 trłn. rubloŭ.
Piva za siem miesiacaŭ hetaha hoda pradadziena 20 młn. 82,2 tys. dał, što na 0,8% bolš za anałahičny letašni pakazčyk. Dola hetaha napoju ŭ ahulnym abjomie spažyvańnia ałkaholu skłała 14,4% (za studzień—lipień 2011-ha — 13,4%).
Likiora-harełačnych vyrabaŭ realizavana 1 młn. 145,8 tys. dał (na 2,8% mienš), vinahradnych vin — 1 młn. 771,6 tys. dał (na 1,7% mienš), pładovych vin — 6 młn. 898,6 tys. dał (na 29,5% mienš). Pładovyja viny zaniali 22,2% u abjomie prodažu ałkaholnaj pradukcyi (u studzieni—lipieni 2011 hoda — 29,6%).
Kańjaku i brendzi pradadziena 136,3 tys. dał (na 31,1% mienš), pienistych vin i šampanskaha — 804,4 tys. dał (na 14,8% bolš), słabaałkaholnych napojaŭ — 498,6 tys. dał (na 4% mienš).
Ciapier čytajuć
Žonku adnaho z hałoŭnych turemščykaŭ Biełarusi pasadzili ŭ kałoniju za ŭdzieł u pratestach3
Kamientary