Prezident Rasii Uładzimir Pucin usio ž vyrašyŭ vystupić arbitram u šmathadovym kanflikcie akcyjanieraŭ «Narnikiela», u Kramli ŭžo raspracoŭvajuć paramietry miravoj dla UC Rusal i «Interrosa»,pišuć «Viedamaści».
«Kančatkovaj schiemy pakul niama — jość tolki prapanovy», — kaža pra raźviazańnie karparatyŭnaj sprečki vysokapastaŭleny čynoŭnik Biełaha doma.
Urehulavańnie kanfliktu ŭ «Narnikieli» šlacham prodažu kimści z akcyjanieraŭ svajoj doli treciamu boku razhladałasia jašče ŭ minułym hodzie: pra takuju mahčymaść havaryŭ prezident Dźmitryj Miadźviedzieŭ. Krynica, blizkaja da «Interrosa», raskazała vydańniu, što pakupnikom moža vystupić Dziaržbank. Krynica, blizkaja da Kramla, śćviardžała, što «arbitram» vystupić pryvatnaja kampanija.
Pradstaŭniki UC Rusal i «Narnikiela» ad kamientaroŭ admovilisia. Ich kaleha z «Interrosa» zajaviŭ, što jamu pra płan prymireńnia akcyjanieraŭ, jak i pra mahčymaści prodažu ich dolaŭ, ničoha nie viadoma.
Kanflikt pamiž «Interrosam» i UC Rusal pačaŭsia ŭ 2008 hodzie, kali aluminijevaja kampanija nabyła błokpakiet «Narnikiela» i Dzierypaska zadumaŭ abjadnać «Narnikiel» i UC Rusal.
«Narnikiel» trojčy prapanoŭvaŭ UC Rusal vykupić u jaje svaje akcyi. Ale Dzierypaska, niahledziačy na pazicyju minarytarnych akcyjanieraŭ «Narnikiela», pradavać papiery admoviŭsia naadrez. Pry hetym i Patanin, i Dzierypaska nie raz infarmavali Pucina (i pakul jon byŭ premjeram, i kali staŭ prezidentam) pra toje, što adbyvajecca ŭ kampanii, kazali raniej krynicy, blizkija da abodvuch najbujniejšych akcyjanieraŭ. Pucin, adnak, nivodnamu ź ich nie addavaŭ pieravahi, piša hazieta.
Ciapier čytajuć
Minharvykankam pra vuličnaje aśviatleńnie: Heta była razavaja akcyja. Siońnia ŭklučać a 18-j15
Kamientary