Nastupny tydzień taksama pačniecca daždžami, ale potym nadvorje palepšycca.
Daždžy i navalnicy čakajucca ŭ Biełarusi ŭ bližejšyja vychadnyja, paviedamiła hałoŭny sinoptyk Respublikanskaha hidramieteacentra Ludmiła Paraščuk.
U bližejšyja sutki, 24 žniŭnia, pad uździejańniem vobłaści pavyšanaha cisku nadvorje palepšycca. Čakajecca pieravažna biez apadkaŭ, tolki ŭ druhoj pałavinie dnia miescami pa Bresckaj i Hrodzienskaj abłaściach projduć karotkačasovyja daždžy i prahrymiać navalnicy. U načnyja i ranišnija hadziny ŭ asobnych rajonach mahčymy słaby tuman, jaki paharšaje bačnaść da 800 tys.m. Viecier nočču zachodni, 5–10 mietraŭ za siekundu, dniom niaŭstojlivy słaby, pry navalnicach paryvy da 14 mietraŭ u siekundu. Tempieratura pavietra ŭnačy składzie plus 17–14 hradusaŭ, dniom jana budzie vahacca ad plus 20 pa poŭnačy da plus 28 hradusaŭ u
U bližejšyja vychadnyja nadvorje znoŭ pahoršycca,pakolki praz terytoryju Biełarusi z paŭdniovaha zachadu Jeŭropy čakajecca pieramiaščeńnie atmaśfiernych frantoŭ. U subotu budzie vobłačnaje nadvorje, na bolšaj častcy terytoryi krainy prahnazujucca navalnicy, karotkačasovyja daždžy, miescami nie vyklučany mocnyja daždžy.
U asobnych rajonach u dzionnyja hadziny mahčymy hrad.Tempieratura pavietra ŭnačy składzie plus 10–17 hradusaŭ, pa paŭdniovym zachadzie Bresckaj vobłaści — kala 20 hradusaŭ. Dniom budzie plus 22–28 hradusaŭ, pa poŭdni Homielskaj i Bresckaj abłaściej pavietra prahrejecca da 30 hradusaŭ, a na poŭnačy Viciebskaj vobłaści ŭ hustych abłokach tempieratura nie pieravysić 18–21 hradus. U niadzielu charaktar nadvorja istotna nie źmienicca, u mnohich rajonach projduć karotkačasovyja daždžy, miescami z navalnicami. Tempieratura pavietra ŭnačy budzie plus 10–17 hradusaŭ, dniom čakajecca 18–25, pa poŭdni krainy — 26–27 hradusaŭ ciapła.
Nastupny tydzień pačniecca niaŭstojlivym i daždžlivym nadvorjem. Na bolšaj častcy terytoryi krainy projduć daždžy, najbolš mocnyja prahnazujucca na paŭdniovym uschodzie.Viecier z paŭdniovaha pastupova piarojdzie na paŭnočny, z kožnym dniom budzie stanavicca chaładniej. U siaredzinie tydnia tempieratura ŭ dzionnyja hadziny nie budzie pieravyšać 15–22 hradusy ciapła. «Adčuvańnie prachałody budzie ŭzmacniać paryvisty paŭnočny viecier, ale ŭ apošnija dni žniŭnia nadvorje ŭ Biełarusi palepšycca», — adznačyła hałoŭny sinoptyk.
Ciapier čytajuć
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1717
Kamientary