Dakumientalny film «Davoli! Da Voli…» biełaruskich režysioraŭ Viačasłava Rakickaha i Andreja Kuciły zavajavaŭ hałoŭny pryz u naminacyi «najlepšy dakumientalny film» na Jeŭrapiejskim kinafiestyvali ŭ horadzie Opuzen (Charvatyja).
Hałoŭnaja meta hetaha fiestyvalu, jaki sioleta pravodziŭsia druhi raz u kurortnym horadzie na bierazie Adryjatyčnaha mora, — spryjać raźvićciu novych kirunkaŭ u jeŭrapiejskim kiniematohrafie. Hetym razam na fiestyvali było pakazana 70 filmaŭ, jakija ciaham siami dzion, z 18 da 25 žniŭnia, pahladzieli kala 12 tysiač čałaviek.
Film «Davoli! Da Voli…» niezaležnyja biełaruskija režysiory źniali na zamovu telekanała Biełsat da pieršaj hadaviny padziejaŭ u Minsku 19 śniežnia 2010 hoda. U im raspaviadajecca pra losy ludziej, jakim nadakučyła žyć u chłuśni i jakija vyjšli na mirnuju akcyju pratestu suprać niespraviadlivych prezidenckich vybaraŭ, za što byli kinutyja ŭ turmy, pieranieśli maralnyja i fizyčnyja katavańni, stracili vučobu i pracu.
Ciapier čytajuć
Zała ŭ Minsku ŭstała pry vykanańni «Malitvy» Janki Kupały VIDEA3
Kamientary