Padatkaviki i milicyja ŭvarvalisia na prezientacyju knihi «Savietyzacyja Zachodniaj Biełarusi» ŭ Hrodnie
Zatrymany hałoŭny redaktar časopisa «Arche» Valer Bułhakaŭ.
Aryštavanaja ŭsia knižnaja pradukcyja.
Pavodle vidavočcaŭ, na prezientacyi prysutničali zusim nieviadomyja haradzienskaj biełaruskaj hramadzie ludzi. Jany zrabili kantrolny zakup knihi napačatku. A ŭ kancy prezientacyi ŭvajšła milicyja, i ludzi ŭ cyvilnym užo ŭ adkrytuju stali patrabavać ad Valera dakumienty i pytacca, na jakoj padstavie jon raspaŭsiudžvaje tut hetuju litaraturu. Paśla jany zahruzili ŭsiu litaraturu, jakuju jon pryvioz, u svoj aŭtamabil. Bułhakava taksama pasadzili ŭ mašynu i pavieźli ŭ Centralnuju padatkovuju Hrodna.
Urešcie Bułhakaŭ abjaviŭsia paśla troch hadzin zatrymańnia: patelefanavaŭ žoncy. Ź jahonych słovaŭ, zatrymlivali jaho padatkaviki. U jaho zakupili ŭsie samyja palityzavanyja knihi. Pry hetym paźniej, u časie składańnia pratakoła, Bułhakavu niekalki razoŭ paŭtaryli, što heta nie palityčnaja, a rucinnaja padatkovaja sprava. Bułhakava ździviła, što i prezientacyju, i momant zatrymańnia, i praceduru afarmleńnia pratakoła zdymali na videa. Na videa filmavali i vokładki knih. Akramia padatkavikoŭ i milicyjantaŭ, prysutničali asoby ŭ cyvilnym.
Usiaho zatrymana 194 asobniki roznych vydańniaŭ. Redaktara «Arche» čakaje sud pa artykule Adm. kodeksu «Niezakonnaja pradprymalnickaja dziejnaść», na jakim budzie vyrašana pytańnie pra štraf i kanfiskacyju knih.
Prezientacyja knih adbyvałasia na Budzionnaha, 48a. «Savietyzacyja Zachodniaj Biełarusi» — heta kniha historyka Jana Šumskaha, napisanaja na asnovie jahonaj doktarskaj dysiertacyi.
Akurat hetymi dniami ŭ Hrodnie z kramaŭ kanfiskavali knihu «Hrodnaznaŭstva», adnaho ź jaje aŭtaraŭ, Andreja Čarniakieviča, zvolnili z Hrodzienskaha ŭniviersiteta, a inšych zaciahali ŭ KDB. Hetyja padziei paznačajuć novy etap u palavańni na viadźmarak u našaj krainie.
Ciapier čytajuć
Žonka adhavorvała padpałkoŭnika DFR brać chabary, a toj kazaŭ «atrymaju pałkoŭnika — i na piensiju»: pieršaja piensija pryjšła ŭžo na aryštancki rachunak4
Žonka adhavorvała padpałkoŭnika DFR brać chabary, a toj kazaŭ «atrymaju pałkoŭnika — i na piensiju»: pieršaja piensija pryjšła ŭžo na aryštancki rachunak
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1414
Kamientary