Ketryn Eštan: Paśla vyzvaleńnia Kavalenki čakajem dalejšych krokaŭ
Vysokaja pradstaŭnica ES u pytańniach źniešniaj palityki i palityki biaśpieki Ketryn Eštan pryvitała vyzvaleńnie palitviaźnia Siarhieja Kavalenki i zaklikała Minsk zrabić dalejšyja kroki na hetym šlachu.
Maja Kacyjančyč, pres-sakratar Ketryn Eštan, skazała:
«Vysoki pradstaŭnik Ketryn Eštan vitaje vyzvaleńnie palitviaźnia Kavalenki ŭ Biełarusi, ale jana škaduje, što jamu daviałosia prasić prezidenckaha pamiłavańnia, kab heta adbyłosia. Jana taksama spadziajecca, što ciapier buduć zroblenyja i nastupnyja kroki, dy zaklikaje biełaruskija ŭłady vyzvalić ŭsich palityčnych źniavolenych i źniać usie abmiežavańni na ažyćciaŭleńnie ichnich hramadzianskich i palityčnych pravoŭ».
Siarhiej Kavalenka viarnuŭsia da siamji 26 vieraśnia, paśla 280 dzion za kratami. Učora byŭ taksama vyzvaleny Pavieł Syramałotaŭ.
Kamientary