Łaŭreata Nobieleŭskaj premii miru nazavuć siońnia. Ci atrymaje jaje Aleś Bialacki?
Pieramožcu abiaruć narviežcy.
Łaŭreata premii miru vyznačaje Nobieleŭski kamitet u Osła na čale z hienieralnym sakratarom Rady Jeŭropy, byłym premjeram Narviehii Torbjernam Jahłandam.
Piać čalcoŭ kamiteta abirajucca narviežskim parłamieentam i zvyčajna reprezientujuć uvieś palityčny śpiektr.
Sioletniaha łaŭreata Nobieleŭskaj premii miru vybieruć z 231 naminanta — 188 čałaviek i 43 arhanizacyjaŭ. Siarod naminavanych na atrymańnie premii – asudžany na čatyry z pałovaju hady źniavoleńnia biełaruski pravaabaronca, kiraŭnik začynienaha centra «Viasna» Aleś Bialacki.
Aprača Bialackaha, u liku favarytaŭ fihurujuć amierykanski palitołah i ideołah niehvałtoŭnaha zmahańnia z dyktatarskimi režymami Džyn Šarp, apazicyjnaja kubinskaja błohierka Jaani Sančes, rasijskaja pravaabaronca Śviatłana Hannuškina i pijanier baraćby za pravy čałavieka ŭ Afhanistanie Sima Samar.
Sioleta z pryčyny kryzisu Nobieleŭskaja premija miru składaje 8 miljonaŭ zamiest raniejšych 10 miljonaŭ šviedskich kron (931 tysiača zamiest 1 miljona 200 tysiač jeŭra).
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ
Kamientary