Patryjarch Kirył u Minsku: «Biełaruś, Rasiju i Ukrainu čakaje adzinaja budučynia»
Patryjarch Maskoŭski atrymaŭ z ruk Łukašenki orden Družby narodaŭ.
«My vierym, što Biełaruś, Rasija i Ukraina źviazanyja nie tolki adzinym minułym, ale ich čakaje adzinaja budučynia», — zajaviŭ patryjarch Maskoŭski Kirył, vystupajučy 14 kastryčnika na cyrymonii adkryćcia ŭ Minsku pomnika patryjarchu Alaksiju II.
Pomnik adkryty na terytoryi chrama Usich śviatych, pa vulicy Kalinoŭskaha. Kiraŭnik Rasiejskaj pravasłaŭnaj carkvy (RPC) prybyŭ u Minsk z adnadzionnym vizitam pa zaprašeńni mitrapalita Minskaha i Słuckaha, patryjaršaha ekzarcha ŭsiaje Biełarusi Fiłareta.
Jak adznačyŭ patryjarch Kirył, jaho papiarednik Alaksij II staŭ patryjarcham «ŭ nialohki čas».
«Heta byŭ čas raspadu adzinaj dziaržavy. Centrabiežnyja siły byli nastolki vialikija, što mahli razburyć nie tolki adzinstva narodaŭ, ale i adzinstva carkvy.Adnak i našy narody, i našy carkvy zachavali adzinstva, i ŭ hetym vialikaja rola Aleksija II», — padkreśliŭ kiraŭnik RPC.
Adkryćcio pomnika ŭ Biełarusi, pavodle jaho słoŭ, heta znak udziačnaści biełaruskaha naroda Alaksiju II za adnaŭleńnie pravasłaŭnaj carkvy, uźviadzieńnie chramaŭ i carkoŭnych škoł, «što było niemahčyma ŭ papiarednija dziesiacihodździ».
Kiraŭnik RPC pieradaŭ chramu Usich śviatych abraz z patryjaršym dabrasłavieńniem.
Padčas sustrečy z Łukašenkam, patryjarch Maskoŭski praciahnuŭ intehracyjnuju dumku adnosna supolnaha losu troch krain.
«U XX i XXI stahodździach my jak by žyviom u roznych dziaržavach.Narody pajšli pa šlachu suvierennaj arhanizacyi svajho dziaržaŭnaha žyćcia, i Carkva z pavahaj stavicca da hetaha nacyjanalnaha vybaru. Ale hetu pavahu jana supravadžaje namahańniami, nakiravanymi na zachavańnie duchoŭnaj kulturnaj prastory toj samaj histaryčnaj śviatoj Rusi. I adno nie supiarečyć inšamu «, — cytuje patryjarcha Kiryła BiełTA.
Łukašenka zapeŭniŭ patryjarcha, što «pravasłaŭje źjaŭlajecca fundamientalnym kamieniem duchoŭnaści biełaruskaha naroda» i jaho pazicyi ŭ Biełarusi «nieparušnyja».Taksama patryjarch atrymaŭ z ruk biełaruskaha kiraŭnika orden Družby narodaŭ «za značny ŭkład u sajuznaje budaŭnictva, umacavańnie siabroŭskich adnosinaŭ, adzinstva narodaŭ Biełarusi i Rasii».
Samalot z kiraŭnikom Ruskaj pravasłaŭnaj carkvy (RPC) pryziamliŭsia ŭ Nacyjanalnym aeraporcie
Jak płanavałasia, jon pavinien byŭ uziać udzieł u liturhii z nahody
Adnak patryjaršy ekzarch usiaje Biełarusi mitrapalit Fiłaret, jaki prybyŭ na liturhiju ŭ minskuju
śviaciejšy patryjarch pryjedzie ŭ Minsk, ale tolki trochi paźniej za zapłanavany čas. Tamu my ciapier uźniasiom malitvy, paminajučy śviaciejšaha ŭładyku i ajca. A sam patryjarch dałučycca da nas paźniej. Jon padjedzie da Usiaśviackaha chrama, dzie ŭznačalić cyrymoniju adkryćcia pomnika ŭ honar svajho słaŭnaha papiarednika patryjarcha Alaksija Druhoha», —skazaŭ mitrapalit Fiłaret.
Pres-słužba Biełaruskaj pravasłaŭnaj carkvy taksama nie paviedamlaje pra sustreču patryjarcha z Alaksandram Łukašenkam, jakaja płanavałasia paśla zaviarašeńnia vizitu.
Pra vizit patryjarcha Maskoŭskaha Kiryła stała viadoma vypadkova z abviestki śviatara. U miedyjach jaho nazvali sakretnym.
Fatohraf-ahient z dvuma pašpartami zdymaje biełarusaŭ i ich mierapryjemstvy ŭ Varšavie13
Kamientary