15 vieraśnia demakratyčnaja lidarka Śviatłana Cichanoŭskaja sustrełasia ź Juozasam Olekasam, jaki try tydni tamu byŭ abrany na pasadu staršyni Siejma Litoŭskaj Respubliki. Padčas sustrečy razmova viałasia pra biahučyja pytańni litoŭska-biełaruskich adnosin.
Siarod inšaha Cichanoŭskaja abmierkavała z pradstaŭnikom Sacyjał-demakratyčnaj partyi Juozasam Olekasam los biełaruskaha palitviaźnia Mikoły Statkieviča. Jana taksama padziakavała za padtrymku palitviaźniaŭ i tuju dapamohu, jakuju chutka arhanizavali i zrabili pry ich apošnim vyzvaleńni litoŭskija ŭłady, u tym liku z afarmleńniem dakumientaŭ.
Na vystupleńni pierad pradstaŭnikami miedyjaŭ pa vynikach sustrečy Śviatłana Cichanoŭskaja trymała ŭ rukach papku z fatahracijaj Mikoły Statkieviča.
Juozas Olekas zapeŭniŭ Śviatłanu Cichanoŭskuju, što stanovišča biełarusaŭ u Litvie nie budzie paharšacca ŭ śfiery mahčymaści lehalizacyi, pracy biełaruskaha biznesu i inšych pytańniaŭ;
Cichanoŭskaja paprasiła litoŭskija ŭłady zachoŭvać pasažyrskaje złučeńnie i humanitarnyja kalidory ź Biełaruśsiu i padziakavała za toje, što aŭtamabili na biełaruskich namierach zmohuć prajazžać Litvu, kali iduć tranzitam.
Jana jašče raz nahadała, što treba praciahvać cisnuć na režym, pakul usie nie buduć vyzvalenyja, a režym nie spynić represii i nie źmienić svajoj ahresiŭnaj palityki.
Ciapier čytajuć
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj11
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1515
Kamientary