Jaho prajekt «Pryvatny manumient» paličyli palityčnym.
Vykładčyka Architekturnaha fakulteta Michaiła Hulina zvolnili paśla jaho zatrymańnia na Kastryčnickaj płoščy padčas realizacyi mastackaha prajekta.
Farmalna, jak paviedamiŭ u siabie ŭ Fejsbuku Hulin, jamu daviałosia napisać zajavu "pa ŭłasnym žadańni».
Telefon mastaka ciapier adklučany, i ŭziać kamientar u jaho pakul niemahčyma.
Michaił Hulin razam z vałanciorami byŭ zatrymany 9 kastryčnika na Kastryčnickaj płoščy Minska. Mastak stvaraŭ prajekt «Pryvatny manumient»: jon chadziŭ pa horadzie z tryma ružovymi kubami i žoŭtym paralelepipidam i na płoščach vystaŭlaŭ ich u roznych spałučeńniach. Da Kastryčnickaj jany ŭžo prajšli pa płoščach Niezaležnaści, Kalinina i Jakuba Kołasa, dzie prablem nie ŭźnikła. U vyniku mastaka z vałanciorami advieźli ŭ milicyju, adkul vypuścili praź siem hadzin. Sudy pa administracyjnych pravaparušeńniach u adnosinach da ich praviaduć 22 i 26 kastryčnika.
Hulin paśla zatrymańnia źviarnuŭ uvahu, što nijakaha palityčnaha pasłańnia svaim prajektam nie nios.
Stvareńnie prajekta padtrymlivaŭ Instytut Hiote ŭ Biełarusi.
Ciapier čytajuć
«Hłavnoje»: chto staić za najbolšaj sietkaj rehijanalnych telehram-kanałaŭ Biełarusi. Jaje ślady viaduć u Rasiju4
Kamientary