25 krasavika saviet dyrektaraŭ AAT «Hazprom» razhledzić pytańnie ab udziele kampanii ŭ AAT «Biełtranshaz», paviedamiła pres‑słužba «Hazproma».
Nahadajem, što zaraz baki viaduć pieramovy ab stvareńni na bazie «Biełtranshazu» sumiesnaha pradpryjemstva pa transparciroŭcy nafty. Zhodna z papiarednimi damoŭlenaściami, SP pavinna być stvorana da 1 červienia 2007 hoda.
Pavodle źviestak rasijskaj haziety «Kommiersant'», 25 krasavika kiraŭnictva «Hazproma» płanuje zaćvierdzić ździełku pa kupli akcyj «Biełtranshazu». Vydańnie taksama paviedamlaje, što niadaŭna ŭrad Biełarusi źviarnuŭsia da Rasii z prośbaj pradastavić stabilizacyjny kredyt u pamiery 1,5 młrd. dołaraŭ. «U adroźnieńnie ad papiarednich kredytaŭ, jakija Rasija pradastaŭlała Biełarusi, u hety raz pradjaŭlajucca bolš surjoznyja patrabavańni da ŭmoŭ, na jakich hety kredyt moža być vydadzieny. Mahčyma, pad załoh akcyj, — piša «Kommiersant'». — A pakolki ŭ Biełarusi tolki adno pradpryjemstva aceniena pa mižnarodnych standartach — AAT «Biełtranshaz», rasijski bok moža zapatrabavać zabieśpiačeńnia hetaha kredytu akcyjami hetaha pradpryjemstva. Zychodziačy z rynačnaj acenki «Biełtranshazu», praviedzienaj hałandskim bankam «ABN Amro» vosieńniu 2006 hoda, dla zabieśpiačeńnia hetaj ździełki spatrebicca 20‑30% akcyj «Biełtranshazu».
«Atrymańnie kredytu na takich umovach budzie aznačać faktyčnuju pieradaču akcyj «Biełtranshazu» «Hazpromu» — navat biez stvareńnia SP», — adznačaje rasijskaje vydańnie.
Va ŭradzie Biełarusi i «Hazpromie» chod pieramoŭ pa stvareńni SP nie kamientujuć.
Minsk siońnia viečaram pahruziŭsia ŭ ciemru. Paśla zahadu Łukašenki48
Minsk siońnia viečaram pahruziŭsia ŭ ciemru. Paśla zahadu Łukašenki
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»35
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
Kamientary