Siabry kaaperatyvu indyvidualnych zabudoŭščykaŭ «Pejzaž» niepadalok ad Ždanovičaŭ ćvierdziać, što siabra kaaperatyvu, były supracoŭnik KDB Alaksandar Kazak byŭ znojdzieny zabitym u lesie.
Supracoŭnika KDB Alaksandra Kazaka znajšli zabitym. Pra heta raspaviadajuć jaho susiedzi, siabry kaaperatyvu indyvidualnych zabudoŭščykaŭ «Pejzaž» niepadalok ad Ždanovičaŭ. Tut jon atrymaŭ dobry ŭčastak i pabudavaŭ dom siaredniaha koštu, abnios aharodžaj.
Zdaryŭsia incydent u kastryčniku. Siabry «Pejzažu» nie vyklučajuć, što heta mahła być pomsta. Adzin z susiedziaŭ raspavioŭ na ŭmovach ananimnaści karespandentu «Svabody»:
«Jon pryjechaŭ viečaram načavać. Siamja pieravažna žyvie ŭ horadzie. Pryjechaŭ viečaram adzin na mašynie.Nu, i žonka pačała telefanavać, a jon nie adkazvaŭ. Jana ranicaj pryjechała, abšukała ŭvieś dom — doma niama. Mašyna staić na miescy. Potym jana pačała telefanavać na jaho mabilny telefon. A tam u nas mienski lesapark, zusim blizka ad jaho doma, aharodža i les. Jana telefanavała, chadziła i pačuła jaho telefon. Jana pabiehła na huk telefona i znajšła muža miortvym. Naturalna, zajaviła ŭ milicyju. Pryjechała mnoha mašyn roznych, chutkaja dapamoha, milicyja, śledčyja. Chadzili pa susiedziach, pytalisia — moža, streł čuli, moža, niešta zaŭvažyli».
Alaksandra Kazaka pachavali na mohiłkach u Tarasavie. Pry hetym nijakich paviedamleńniaŭ pra hety vypadak nie było.Susiedzi miarkujuć, što jon byŭ pałkoŭnikam KDB. Na jaho vizytoŭcy napisana: «KDB Respubliki Biełaruś, vulica Internacyjanalnaja 29a, Miensk, Upraŭleńnie pa horadzie Miensku i Mienskaj vobłaści. Načalnik Mienskaha mižrajadździełu». Apošnim časam chadzili čutki, što jaho pieravodzili na inšuju pracu, ale jon nibyta admoviŭsia. Kazaŭ, što ŭ adpačynku.
«Viadoma toje, što jon byŭ zastreleny sa strelby. Vypadak nadzvyčajny. Małady, 47 hadoŭ jamu było. Abychodlivy, uvažlivy, vietlivy, kulturny, abajalny, havarki.I ŭsie byli ŭ vialikim žachu, ździŭleńnie było, što mahło zdarycca z takim čałaviekam. Što pakazała ŭskryćcio, taksama mnie nieviadoma. Ja dumaju, što i nikomu nieviadoma. Karaciej, ja bolš ničoha nia viedaju. Dla ŭsich heta było vielmi niečakanym. Tam vielmi zły sabaka, jon breša. Niemahčyma cicha padyjści. Usie ździŭlalisia, jak mahło tak być? I čamu nia doma, čamu nie ŭ dvary, čamu pajšoŭ u les? Čamu vieśnicy była adčynienyja? I susiedzi ničoha nia viedali».
Bližejšyja susiedzi Kazakoŭ pa «Pejzažu» — Lipieni. U ich vieśnicy za try metry ad Kazakovych. Z haspadarom pahutaryć nie ŭdałosia, jon byŭ na pracy. A haspadynia tak skazała praz telefon:
«A što vy ŭ muža spytajecie? My ničoha nia viedajem. Heta vy tolki ŭ śledčyja orhany možacie patelefanavać».
Karespandent: «Dyk što, jaho zabili tam?»
Haspadynia: «Čaho heta jaho zabili? Jon zastreliŭsia sam. Usie padrabiaznaści vy možacie zdabyć u śledčych orhanach. Nichto ničoha nia viedaje».
Karespandent: «A kali heta zdaryłasia?»
Haspadynia: «U kastryčniku było».
Karespandent: «Heta ŭ lesie jaho znajšli?»
Haspadynia: «Tak».
Karespandent: «A ciapier tam nichto nie žyvie ŭ hetym domie?»
Haspadynia: «U jaho ž jość žonka, dzieci. Viedajecie, heta ž raniej było — susiedzi adzin adnaho viedajuć, hutarać. My praktyčna nia hutarym. My siadzim kožny za svaim płotam. Tamu takija rečy — ja nia viedaju, a muž tym bolš nia viedaje, jaho tut i nie było. Usio astatniaje vy pytajciesia ŭ śledčych orhanach».
U KDB nadalej pierakonvajuć, što ŭsio heta «iłžyvy pravakacyjny ŭkid».Načalnik centru infarmacyi i hramadzkich suviaziaŭ KDB Biełarusi Alaksandar Antanovič zajaviŭ karespandentu «Svabody»:
«Toje, što ja ŭčora skazaŭ, ja bolš ničoha nie skažu. Ja skazaŭ usio, nia bolš za toje. Ja vykazaŭ tuju dumku, jakuju chacieŭ danieści. Bolš ja ničoha nie skažu».
PradstaŭnicaU Śledčym kamitecie patłumačyli, što kryminalnuju spravu nie zavodzili.
«Kryminalnaj spravy pa fakcie zabojstva čałavieka, jakoha vy nazyvali, Śledčym kamitetam nie raspačynałasia. Ja bačyła hety infarmacyjny patok. Ale dakładna, kryminalnaj spravy ŭ nas niama. Čutki my nie kamentujem».
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca17
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ88
Kamientary