Raźliłosia na 100 mietraŭ.
U Dobrušskim rajonie zaviaršajucca raboty pa likvidacyi nastupstvaŭ razryvu mahistralnaha naftapravoda. Pryblizna ŭ 11.00 4 listapada adbyŭsia razryŭ naftapravoda Unieča — Mazyr respublikanskaha ŭnitarnaha pradpryjemstva «Homieltransnafta Družba» kancerna «Biełnaftachim».
Jak paviedamiŭ
«Pierapampoŭvańnie nafty rabiłasia pa druhim trubapravodzie. U vyniku kropielnaha raśsiejvańnia nafty vietram adbyłosia zabrudžańnie pavierchni hleby na ŭčastku 70 na 200 mietraŭ. Dla likvidacyi razryvu naftaprovoda, zboru nafty i vydaleńnia zabrudžanaha hruntu na miescy avaryi pracavali 10 adzinak techniki i 46 rabotnikaŭ pradpryjemstva „Homieltransnafta Družba“. Siłami i srodkami MNS arhanizoŭvałasia pažarnaja biaśpieka na miescy avaryi», — skazaŭ Habryloŭ.
Pryblizna apoŭnačy paškodžany ŭčastak trubapravoda byŭ adramantavany. Raźlitaja nafta sabrana, 5 listapada praciahvajucca raboty pa zbory zabrudžanaha hruntu.Transpartavańnie nafty pakul ažyćciaŭlajecca pa reziervovym trubapravodzie. Naftapravod pracuje ŭ štatnym režymie bieź źmianšeńnia abjomaŭ płanavaj pastaŭki nafty.
Jak miarkujecca, pryčyna avaryi — paškodžańnie kaŭšom ekskavatara naftapravoda pry praviadzieńni rabot pa padrychtoŭcy trubapravoda dla zamieny izalacyjnaha pakryćcia. Na miescy avaryi pracuje rajonnaja kamisija pa nadzvyčajnych situacyjach.
Ciapier čytajuć
Minharvykankam pra vuličnaje aśviatleńnie: Heta była razavaja akcyja. Siońnia ŭklučać a 18-j12
Minharvykankam pra vuličnaje aśviatleńnie: Heta była razavaja akcyja. Siońnia ŭklučać a 18-j
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary