Pra heta jon zajaviŭ, razmaŭlajučy z žurnalistami 6 listapada paśla cyrymonii adkryćcia troch novych stancyj minskaha mietro.
«Mała što źmienicca ŭ kursie ZŠA ŭ dačynieńni da Biełarusi, niachaj heta budzie Abama abo Romni. Nie vielmi raźličvaju, što niešta źmienicca. Ale my hatovyja da źmienaŭ, kali amierykancy buduć hatovyja da takich krokaŭ», — padkreśliŭ Łukašenka.
Biełaruski kiraŭnik zaklikaŭ nie nadavać asablivaha značeńnia rytorycy abodvuch kandydataŭ na pasadu prezidenta ZŠA, pakolki «toje, što jany kažuć da, jany nie zaŭsiody robiać paśla vybaraŭ».
Na pytańnie, čamu jon za hady svajho prezidenctva nikoli nie hałasavaŭ daterminova, jak, naprykład, Barak Abama, Alaksandr Łukašenka adkazaŭ:«Navat nie zadavaŭsia pytańniem — čamu. Ale było b niapravilna, zychodziačy z majoj pasady, ciškom prahałasavać daterminova». Pa słovach Łukašenki, jon moh by prahałasavać daterminova, kali b u dzień vybaraŭ pryjšłosia źjechać z krainy. Ale «ŭ taki važny momant» jon zaŭsiody znachodzicca ŭ Biełarusi, padkreśliŭ kiraŭnik dziaržavy.
Pry hetym jon nahadaŭ, što Zachad i, u pryvatnaści, ZŠA časta krytykujuć mienavita daterminovaje hałasavańnie ŭ Biełarusi. «Ale pierš, čym paprakać, chaj u siabie pahladziać», — parekamiendavaŭ Łukašenka.
Vybary prezidenta ZŠA prachodziać 6 listapada.
Ciapier čytajuć
«Pajšli nach*j vy i vaš «Baćka», pi***asy!» Pjanyja pryhody zrabili armianina Jarvanda palitviaźniem. Ciapier jon zmahajecca z prablemami ŭ Polščy13
Kamientary