Hramadstva1515

Apublikavany tekst Vilenskaha miemarandumu apazicyi

Na staroncy Rady BNR u Fejsbuku apublikavany poŭny tekst Vynikovaha Miemarandumu, pryniataha pradstaŭnikami biełaruskaj apazicyi ŭ Vilni 3 listapada.

Dakumient nazyvajecca «Vynikovy Miemarandum narady staršyniaŭ i kiraŭnikoŭ biełaruskich palityčnych i hramadskich arhanizacyjaŭ sa Staršynioj Rady Biełaruskaj Narodnaj Respubliki Ab zachadach dla zabieśpiačeńnia niezaležnaści Biełarusi».

Asnoŭnyja pałažeńni Miemarandumu:

— Treba damahacca jaknajšyrejšaha pryznańnia mižnarodnaj supolnaściu, što Alaksandr Łukašenka i dziaržaŭnyja orhany pad jahonym kantrolem, pry adsutnaści demakratyčnaj lehitymnaści, nie jość pravamocnym i dziejazdolnym pradstaŭnictvam Biełarusi,
asabliva ŭ razie pryniaćcia ad imia Biełarusi abaviazkaŭ i pahadnieńniaŭ z nastupstvami, jakija abmiažoŭvajuć ci abciažarvajuć jaje suvierenitet abo datyčać rasprodažu dziaržaŭnaj majomaści. Hetkija pahadnieńni nia buduć abaviazkovyja dla demakratyčnaj biełaruskaj dziaržavy ŭ budučyni, a stanuć pradmietam pierahladu i mahčymaha skasavańnia abo karekcyi.

— Nieabchodna damahacca harantyjaŭ nieparušnaści biełaruskaha nacyjanalnaha suvierenitetu z boku krainaŭ Jeŭrapiejskaha źviazu, Złučanych Štataŭ Amieryki i Rasiejskaj Fiederacyi,
niepryznańnia mižnarodna-praŭnaj siły lubych niebiaśpiečnych dla suvierennaha statusu Biełarusi rašeńniaŭ, jakija ad jaje imia moža zrabić aŭtarytarnaje kiraŭnictva, a taksama niepryznańnia lehitymnaści lubych škodnych dla suvierenitetu Biełarusi pravoŭ i pryvilejaŭ, jakija Rasiejskaja Fiederacyja moža śćviardžać ci damahacca ŭ Biełarusi na hruncie daktryny «zony asablivych intaresaŭ».

— Dziela zabieśpiačeńnia suvierenitetu ad ryzykaŭ kryzisnaha i pierachodnaha pieryjadu ŭ abstavinach kałapsu aŭtarytarnaha režymu nieabchodna raspracavać i palityčna ŭzhadnić supolny pakiet pieršačarhovych palityčnych, ekanamičnych i jurydyčnych zachadaŭ
u halinie enierhetyčnaj i charčovaj biaśpieki, kulturna-infarmacyjnaj palityki, zabieśpiačeńnia administracyjnaj kiravanaści va ŭmovach pierachodu da demakratyi, baraćby z karupcyjaj i arhanizavanaj złačynnaściu, a taksama zabiaśpiečyć maksimalnuju padtrymku, jakuju možna mabilizavać z boku prychilnych hetym metam dziaržavaŭ i mižnarodnych arhanizacyjaŭ.

U Miemarandumie taksama havorycca, što hramadskija i palityčnyja arhanizacyi pavinnyja kaardynavacca ŭ spravie supraćstajańnia aficyjnaj prapahandzie, «jakaja źniščaje biełaruskuju nacyjanalnuju śviadomaść».

«Pavinien być macniejšy skaardynavany cisk palityčnaj i hramadzianskaj supolnaści ŭ krainie i za jaje miežami dziela źmianšeńnia ŭ biełaruskim hramadstvie pačućcia strachu, najpierš vyzvaleńnia i reabilitacyi palityčnych viaźniaŭ, spynieńnia palityčnych represijaŭ i demantažu represiŭnaha aparatu, svabody dla srodkaŭ masavaj infarmacyi, a ŭrešcie — praviadzieńnia svabodnych vybaraŭ», — adznačajecca ŭ dakumiencie.

«Pradstaŭniki biełaruskaj palityčnaj i hramadzianskaj supolnaści pryznajuć Radu BNR reziervovym palityčnym depazitaram biełaruskaj niezaležnaj dziaržaŭnaj tradycyi»,
— havorycca ŭ Miemarandumie.

Miemarandum padpisali:

Uładzimier Baradač, Arhkamitet «Rady nacyjanalnaha adradžeńnia»

Vincuk Viačorka, Arhkamitet «Biełaruskaha Ruchu»

Alaksandr Dabravolski, Abjadnanaja hramadzianskaja partyja

Mikałaj Dziemidzienka, «Małady Front»

Volha Karač, HK «Naš Dom»

Kołas Uładzimier, Rada biełaruskaj intelihiencyi

Alaksandar Milinkievič, «Ruch «Za Svabodu»

Stanisłaŭ Šuškievič, Biełaruskaja sacyjał-demakratyčnaja Hramada

Janukievič Alaksiej, Partyja BNF

Niaklajeŭ Uładzimier, kampanija «Havary praŭdu»

Zianon Paźniak, Kansiervatyŭna-chryścijanskaja partyja BNF

Vital Rymašeŭski, Arhkamitet partyi Biełaruskaja Chryścijanskaja Demakratyja

Viačasłaŭ Siŭčyk, Ruch salidarnaści «Razam»

Ad Rady Biełaruskaj Narodnaj Respubliki — Ivonka Surviła, Staršynia Rady BNR

Kamientary15

Ciapier čytajuć

HramadstvaAbnaŭlajecca5050

Vyzvalenyja z departacyjaj 52 palitviaźni. Statkievič admaŭlajecca pakinuć Biełaruś, staić u niejtralnaj zonie

Usie naviny →
Usie naviny

Pad Łahojskam siońnia nočču pierakuliŭsia aŭtamabil. Ajfon kiroŭcy sam adpraviŭ paviedamleńnie ŭ MNS1

Polšča zakryvaje miažu ź Biełaruśsiu na niavyznačany termin i čakaje pravakacyj7

Pajšoŭ z žyćcia zachavalnik pamiaci Barysava Alaksandr Rozenblum1

«Adčuj smak rodnaj movy». «Kamunarka» vypuściła cukierki «Rodnyja słovy»6

Biełaruś adčuvaje adkaz na zatrymańnie polskaha manacha — namieśnik kiraŭnika MZS Polščy2

Sabalenka vykazałasia pra vajnu19

U babrujskaj kałonii pamior źniavoleny

Vakoł Čyrvonaha kaścioła ŭ Minsku stali budavać ścianu3

Adpačynak u Emiratach skončyŭsia dla siamji trahiedyjaj: «Mama pamierła, a ajčym apynuŭsia ŭ turmie»19

bolš čytanych navin
bolš łajkanych navin

Vyzvalenyja z departacyjaj 52 palitviaźni. Statkievič admaŭlajecca pakinuć Biełaruś, staić u niejtralnaj zonie50

HramadstvaAbnaŭlajecca50

Vyzvalenyja z departacyjaj 52 palitviaźni. Statkievič admaŭlajecca pakinuć Biełaruś, staić u niejtralnaj zonie

Hałoŭnaje
Usie naviny →

Zaŭvaha:

 

 

 

 

Zakryć Paviedamić