Z pačatku hodu kolkaść nasielnictva krainy źmienšyłasia na 9,3 tys. čałaviek.
Kolkaść nasielnictva Biełarusi na 1 krasavika 2007 hoda skłała 9 młn. 705,2 tys. čałaviek, paviedamili karespandentu BIEŁTA u Ministerstvie statystyki i analizu.
Z pačatku biahučaha hoda kolkaść nasielnictva respubliki źmienšyłasia na 9,3 tys. čałaviek. Heta abumoŭlena tym, što kolkaść pamierłych na 11 tys. čałaviek pieravyšaje kolkaść narodžanych. Za pieršy kvartał 2007 hoda ŭ respublicy naradziłasia 24,5 tys. dziaciej (na 1,9 tys. bolš, čym za pieršy kvartał 2006 hoda). U studzieni — sakaviku pamierli 35,5 tys. čałaviek (na 1,8 tys. mienš u paraŭnańni z anałahičnym minułahodnim pieryjadam). Pry hetym śmiarotnaść dziaciej va ŭzroście da 1 hoda źmienšyłasia z 6,1 vypadka na 1000 narodžanych za pieršy kvartał 2006 hoda da 5,8 vypadka za pieršy kvartał 2007 hoda.
U stalicy Biełarusi kaeficyjent naradžalnaści byŭ roŭny kaeficyjentu śmiarotnaści — 10,1 čałavieka na 1000 žycharoŭ Minska. U cełym pa respublicy ŭ pieršym kvartale naturalnaje źmianšeńnie nasielnictva skłała 4,6 čałavieka na 1000 nasielnictva (u pieršym kvartale 2006 hoda — 6,1). Najbolšaje značeńnie naturalnaha źmianšeńnia nasielnictva adznačana ŭ Viciebskaj vobłaści (7,6). U Bresckaj vobłaści hety pakazčyk byŭ roŭny 2,8, u Homielskaj — 4,8, u Hrodzienskaj — 5,1, u Mahiloŭskaj — 6,3, u Minskaj vobłaści — 7,4 čałavieka na 1000 nasielnictva.
Za pieršy kvartał hetaha hoda ŭ paraŭnańni z adpaviednym pieryjadam 2006‑ha kolkaść pamierłych u cełym pa respublicy źniziłasia na 4,9 pracenta, u Hrodzienskaj vobłaści — na 9 pracentaŭ, u Mahiloŭskaj — na 8,8 pracenta, u Viciebskaj — na 7,2 pracenta, u Homielskaj — na 6 pracentaŭ, u Bresckaj — na 7,4 pracenta, u Minskaj vobłaści — na 2 pracenty. U stalicy Biełarusi kolkaść pamierłych uzrasła na 3,6 pracenta.
U Biełarusi ŭ 2006 hodzie naradzilisia 96,4 tys. dziaciej (na 5,9 tys. bolš u paraŭnańni z 2005 hodam). U minułym hodzie pamierli 138,4 tys. čałaviek (na 3,5 tys. čałaviek mienš, čym u 2005‑m). Pry hetym prymietna źmienšyłasia śmiarotnaść dziaciej va ŭzroście da 1 hoda — hety pakazčyk źniziŭsia z 7,1 vypadka na 1000 narodžanych za 2005 hod da 6,2 vypadka na 1000 narodžanych za 2006 hod.
Kamientary