«Niešta jašče» i «Kvietka la darohi»
Kamedyjnaja meladrama Vudzi Ałena i “darožny” trymcieńnik z Krystaferam Łambertam.
STV, 00.45
Kvietka la darohi (The Road Killers)
ZŠA, 1994, kalarovy, 89 chv.
Režyser: Deran Sarafjan
Roli vykonvajuć: Krystafer Łambert, Krejh Šefer, Dejvid Arkiet, Džoš Brolin, Mišel ForbzDžozef Hordan-Levit
Žanr: Trymcieńnik
Dźvie dobraprystojnyja amerykanskija siamji adpravilisia na adpačynak. Na šašy 666 (!) chłopčyk vyjšaŭ z mašyny pahladzieć na prydarožnuju kvietku… Tak persanažy stužki paznajomilisia z mańjakam. Hałoŭny hieroj (Krystafer Łambert) biare ŭ ruki zbroju – i raspačynaje podźvihi amerykanskaha “horca”.
Aryhinalnaja nazva – “Darožnyja zabojcy”, što bolej pasuje filmu.
ANT, 01.05
Niešta jašče (Anything Else)
ZŠA – Francyja – Niderlandy – Vialikabrytanija, 2003, kalarovy, 108 chv.
Režyser: Vudzi Ałen
Roli vykonvajuć: Džejsan Bihz, Krystyna Ryčy, Vudzi Ałen, Stokar Čeninh, Deni De Vita, Kedzi Strykłend, Džymi Fełan
Žanr: Kamedyjnaja meladrama
Adznaka: 6,5 (z 10)
Piśmieńnik Džery Fołk (Džejsan Bihz) ź pieršaha pozirka zakachaŭsia ŭ maładuju žančynu Amandu (Krystyna Ryčy, “Sonnaja łahčyna”). Džery nieadnojčy čuŭ frazu, što žyćcio – heta “Anything Else” – niešta jašče, ale žyćcio z Amandaj ni na što nie padobna…
U lubych stasunkach adna asoba zaŭždy ciažkaja na padjom – i Džery heta pryjdziecca vynieści na ŭłasnym horbie. Sytuacyja ŭskładniajecca trahikamičnymi intelektualnymi hulniami, jakija tak lubić Ałen. Režyser acharaktaryzavaŭ svaju stužku tak: "Heta ramantyčnaja kamedyja pra amatara žanočych nožak, jaki, sustreŭšysia z harvardzkaj prafesarkaj, jakaja piša knihu pa ekzistencyjnaj filazofii, ulublajecca ŭ jejnyja tvory – tvory, składzienyja ŭładalnicaj takich cudoŭnych, cudoŭnych, cudoŭnych nožak..."
Vudzi Ałen u svajoj karcinie nie na hałoŭnaj roli, ale taksama “mituśliva” prysutničaje.
Ciapier čytajuć
Kamientary