Adam Hlobus
Racyjanalnaje
Nie sumniavajsia, narod zaličyć tyrana ŭ vialikija dabradziei, kali toj vypuścić z turmy ciabie, jakoha sam ža pasadziŭ ni za što ni pra što.
***
Tyran razdaje ŭznaharody j pasady najhniuśniejšym ź liśliŭcaŭ, kab choć na niejki čas pazbavicca ad ich.
***
Despat chavaje złyja dziejańni za dobrymi słovami.
***
Apisańni śmierci zbolšaha naiŭnyja, jak apisańni nieśmiarotnaści j biaskoncaści.
***
Kali ty razumny, ciabie dosyć prosta papraknuć za biessardečnaść i maładuchoŭnaść.
***
Rozum — heta ŭmieńnie vychodzić z durnych akaličnaściaŭ.
***
Mieć — nie aznačaje ŭmieć karystacca.
***
Kab pieramovy mieli pośpiech, tabie daviadziecca achviaravać intaresami chaŭruśnikaŭ.
***
Lubuju abstraktnuju paradu varta pieraciahnuć u paradu samomu sabie, kab ubačyć jaje sapraŭdnyja vartaści.
***
Samy daskanały danos možna napisać tolki na samoha siabie, a mieć z hetaha buduć usio adno inkvizytary.
***
Z dakładnymi viedami svaich žadańniaŭ žyviecca lahčej; niaviedańnie, jak ciemra, poŭnicca niebiaśpiekaju.
***
Zachaplacca ŭłasnaj pracaju lepiej za ŭsio ŭ zamknionaj cišyni ŭłasnaha kabinetu, sam-nasam.
***
Biednyja bačać u bahaćci prajavu losu, zamožnyja — plon ułasnaj pracy.
***
Nie havary pra siabroŭ kiepskaje — heta, chutčej za ŭsio, praŭda.
***
Niama miažy pamiž niedachopami j nabytkami.
***
Kali z taboju pahadzilisia, heta nie aznačaje, što ty znajšoŭ razumnaha paplečnika.
***
Razumnaha niemahčyma pakryŭdzić; kryŭduješ roŭna nastolki, nakolki pačućci pieraŭzychodziać rozum.
***
Być ščodrym vielmi chutka nadakučvaje, jak i chutka abrydaje ćviarozaść i razvažlivaść.
***
Vakoł varjata žyvuć adny varjaty, va ŭsialakim razie, jon tak śćviardžaje.
***
Kali Fransua de Larošfuko razvažaje pra pašyreńnie rozumu da miežaŭ mahčymaha, mižvolna ŭźnikajuć dumki pra varjactva.
***
Pabytovyja drobiazi składajuć vialikija žyćciovyja prablemy.
***
Zaŭtrašnija prybytki hruntujucca na siahońniašnich stratach.
***
Razvahi sielanina časam bolš racyjanalnyja za časopisnuju eseistyku navukoŭcaŭ.
***
Kali pierastaješ złavacca, robiśsia dobry... Zapeŭnivaje Larošfuko. Zusim nieabaviazkova, možaš stać i abyjakavym.
***
Sapraŭdnaje siabroŭstva vydumali ŭ XVII st. maralisty kštałtu Larošfuko.
***
Vialikaja biada vyłuplivajecca z maleniečkaha niaščaścia, jak źmiaja ź jajka.
***
Adnavić stračanaje siabroŭstva niemahčyma, jano raźbivajecca ab zajzdraść na drobnyja pyrski, jak chvala ab skału.
***
Nie zaŭsiody zmožaš sabie dazvolić raskošu — być razumnym.
81‑hadovuju maci aŭtaryteta Skitova z «Babulinaj krynki» kinuli ŭ SIZA KDB, kab jon narešcie zahavaryŭ8
Kamientary