«Niurnberh-2»
Z nabližeńniem kanca tysiačahodździa, robicca ŭsio jaśniej toje, što kamunizm, jak i fašyzm, byŭ adnoj z najstrašniejšych biedaŭ čałaviectva. Adnak kali fašyzm acanili i asudzili, a hałoŭnyja złačyncy byli pakaranyja, dyk u dačynieńni da kamunizmu takoha dahetul nie adbyłosia.
Inicyjatarami praviadzieńnia «Niurnberhu-2» vystupili arhanizacyja palityčnych źniavolenych i ssylnych Litvy i Abjadnańnie zmaharoŭ za svabodu. Dziela hetaha 12-14 červienia ŭ Vilniu na mižnarodny kanhres «Acenka złačynstvaŭ kamunizmu» sabralisia pradstaŭniki 23 krainaŭ Eŭropy, Azii i Ameryki. Biełaruś pradstaŭlali Maja Klaštornaja, Radzim Harecki, Zianon Paźniak, Siamion Šarecki. Udzielnikaŭ vitali staršynia litoŭskaha Sojmu Łandsberhis, premjer Kubilus, były prezydent Polščy Vałensa, rasiejski pravaabaronca Kavaloŭ.
Pamiž inšym, kanhres abraŭ hramadzki trybunał, jaki musiŭ dać jurydyčnuju acenku złačynstvaŭ kamunizmu, zasłuchaŭ 60 dakładaŭ. U vystupach pradstaŭnikoŭ Biełarusi hučała zakłapočanaść, što kali dla bolšaści krainaŭ złačynstvy kamunizmu aceńvajucca jak histaryčnaja źjava, dyk u Biełarusi idzie praces aktyŭnaha adradžeńnia najhoršych tradycyjaŭ tatalitarnaha hramadztva.
Kanhres pryniaŭ rezalucyi, u tym liku i pra sytuacyju ŭ Biełarusi i Čačenii. Praca kanhresu praciahniecca sioleta ŭ vieraśni, kali budzie abvieščanaje abvinavaŭčaje zaklučeńnie z acenkaj złačynstvaŭ kamunizmu.
Ihar Kuźniacoŭ
Ciapier čytajuć
Pieršaja viasna na voli. Nina i Uładzimir Łabkovičy raskazali pra svaju historyju kachańnia i žyćcio paśla turmy5
Kamientary