Naviny za tydzień
Šampanskaje «Kniaź Vitaŭt»
Pierad Novym hodam u kramach źjaviacca novyja hatunki pienistaha — ružovaje «Kniaź Vitaŭt» i biełaje «Trajeckaje». Hetyja «šampanskija» – pieršyja całkam raspracavanyja mienskimi vinarobami. Sioleta naš zavod šampanskich vinaŭ vypuścić 50 tys. butelek hetych napojaŭ.
Navahodnija zabaŭki
Na mienskich płoščach pastavili kala 100 jalinak. Hałoŭnaja ź ich na Kastryčnickim placy ŭjaŭlaje saboju šaściŭzroŭnievuju kanstrukcyju z 70 asobnych drevaŭ. U navahodniuju noč u Miensku buduć pracavać try hałoŭnyja adkrytyja kancertnyja placoŭki: na Kastryčnickaj, na Niezaležnaści, a taksama na Mašerava. Śviatkavańni raspačalisia šeściem Dziedaŭ Marozaŭ ad Niezaležnaści da Kastryčnickaj jašče 23 śniežnia.
A adnu jalinku vyšynioju 10 m na Paŭdniovym Zachadzie złamyśniki napiaredadni Kaladaŭ chacieli śpiłavać, ale milicyja złaviła lichadziejaŭ ź piłkaju ŭ rukach. Ciapier raźbirajucca, navošta jany kvapilisia.
Vajtovič i Hulaka
Staršyniom «savietu respubliki» pastavili Alaksandra Vajtoviča, prezydenta Akademii navuk, ministram kultury — Leanida Hulaku, biblijatečnaha rabotnika z adukacyi, pasłom u Syryju pasyłajuć Uładzimiera Łapatu-Zahorskaha, načalnikam Vajskovaj akademii pryznačyli Ihnata Misurahina.
Łukašenka niepakoicca
Na adkryćci pieršaj sesii svajho parlamentu Łukašenka skazaŭ, što ŭ Biełarusi čatyroch čałaviek – biełarusa, prybałta, niemca j palaka — byccam by zatrymali za špijanaž. «My nie dazvolim, kab na zamiežnyja hrošy rychtavalisia kamandy kalabarantaŭ», — zajaviŭ taksama Łukašenka, vinavaciačy krainy Zachadu ŭ padtrymcy apazycyi. Jaho niepakojać vybuchoŭka dy zbroja, nibyta ŭviezienyja ŭ krainu, a taksama padrychtoŭka 14 tys. naziralnikaŭ da prezydenckich vybaraŭ. A hrošy na “padtrymańnie stabilnaści” biełaruskaja ŭłada adšukała — Rasieja dała Biełarusi čarhovy kredyt, roŭny ŭ pieravodzie na našyja hrošy 180 młrd. rubloŭ, ilvinaja dola jakoha zastaniecca ŭ samoj Maskvie na pakryćcio zapazyčanaści za haz.
Plamieńnica Surviłły — doktarka Sarbony
Virdžynii Šymaniec, plamieńnicy Staršyni Rady BNR, była nadadzienaja hodnaść doktarki Sarbony, paśla taho jak jana ź blaskam abaraniła teatraznaŭčuju dysertacyju na temu «Ad biełaruskich dramaturhijaŭ da biełaruskaj savieckaj dramaturhii: trahiedyja ŭłady». Damovu na publikacyju hetaj pracy pa-biełarusku ŭkłaŭ sa sp-niaj Šymaniec časopis «Arche». Heta budzie jaje pieršaja publikacyja na hetuju temu: u Francyi dziejničaje praviła, što daśledčyk nia moža publikavacca na temu, pavodle jakoj jon rychtuje dysertacyju, pakul dysertacyja nie abaronienaja. Karotkaja siamiejnaja ŭračystaść z nahody źjaŭleńnia čarhovaha biełaruskaha doktara Sarbony adbyłasia ŭ Paryžy.
“Stypucha” bolšaje
Z 1 studzienia studenty buduć atrymlivać 8700 rub., navučency SPTV — 7300 rub., PTV — 4700 rub., imiennyja stypendyi dla studentaŭ VNU składuć 17 tys.
Kluby
Viaskovyja kluby zastajucca adzinym miescam adpačynku dla viaskovaj moładzi. Za Łukašenkam u najbiadniejšych kałhasach začynili 600 klubaŭ, a ahułam u krainie ich zastałosia krychu bolš za 4000. Adnak pierad sioletnimi vybarami ŭłada spachapiłasia, i 28 klubaŭ užo znoŭku adčynili.
Vołat z Babrujsku
Na śviacie Ŭsierasiejskaje mižhalinovaje vystavy tavaraŭ biełaruski asiłak Uładzimier Savieljeŭ pieramoh rasiejskich “bahatyrej” — pastaviŭ suśvietny rekord, uźniaŭšy za 10 chvilinaŭ paŭtarapudovuju hiru 320 razoŭ. Vynik skłaŭ 7680 kh. Savieljeŭ pracuje vykładčykam bijalohii ŭ Babrujsku, pry roście 175 sm važyć 100 kh. Dasiahnieńnie ŭvojdzie ŭ «Knihu rekordaŭ Hinesa».
«Volnyja tancy» zabaronienyja
U śniežni ŭ niekalkich haradach Biełarusi adbylisia kancerty viadučych rok-hurtoŭ «Volnyja tancy», samyja paśpiachovyja — u Voršy, Bieraści, Horadni. A voś u Homieli dy Mahilovie «Tancy» pad roznymi padstavami byli sarvanyja. Arhanizatary — BMAgroup i kancertnaje ahienctva «Linija huku» — planujuć usio ž pryvieźci «Volnyja tancy» ŭ Homiel u lutym, a ŭ Mahiloŭ — jak tolki stanie mahčyma.
Biełaruskija futbalisty – 95-ja
Mižnarodnaja federacyja futbołu raspaŭsiudziła novy rejtynh-list nacyjanalnych zbornych. Biełaruś razam sa zbornaj Liberyi zastałasia na 95-m miescy, jak i letaś. Usiaho ŭ rejtynh-liście — 203 zbornyja.
Aleś Kudrycki pavodle Radyjo Racyja, BiełaPAN i ŭł. inf.
Karovy zapuścilisia
Kožny hod z pačatkam zimy pačynajuć źnikać z palicaŭ kryčaŭskich mahazynaŭ pradukty. Sioleta pieršymi ŭ śpisie deficytaŭ stajać małako i jajki. Sa słovaŭ mahazynščyc, pačali «zapuskacca» karovy. Nu što ž, sprava heta patrebnaja. Adnak, nia ŭsio tak prosta. Za 11 miesiacaŭ hetaha hodu Kryčaŭščyna nadaiła na 9% małaka mieniej, čym za toj samy čas letaś. Za toj ža peryjad 1999 h. u paraŭnańni z 1998 h. nadoi źnizilisia na 17%.
AMścisłaŭ ź ciućkam
Apošnim časam (hadoŭ hetak piać) harady stali impetna mianiać staražytnyja hierby. U Kryčavie ŭžo daŭno źmianili, u Klimavičach rychtujucca. I voś staražytny symbal byŭ pierarobleny i ŭ Amścisłavie…
Amścisłaŭ atrymaŭ svoj hierb razam z Majdeborskim pravam u 1634 h. ad Uładzisłava Vazy. «…U błakitnym poli ščyt i ruka ź miačom…» — taki vyhlad mieŭ hierb. A ciapier da hetaj vyjavy dadali niejkaha sabačku. Rašeńnie ab źmienie pryniali ŭ rajvykankamie.
Andrej Kuźmin, Kryčaŭ
Ciapier čytajuć
Ryta Dakota nabyła dom za niekalki miljonaŭ dalaraŭ kala Halivuda2
Ryta Dakota nabyła dom za niekalki miljonaŭ dalaraŭ kala Halivuda
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1515
Kamientary