Kanstatacyi
Hramadztva
Siarhiej Abłamiejka
Kolki nadziejaŭ viruje ŭ hałavie zhodnika! A miž tym, redka jaki ź ich nie padrychtavaŭ sabie pahibieli, paturajučy svavoli tyrana.
Navat kali tyranija maje samy pasłuchmiany i abyjakavy narod, jana siońnia nia maje šancaŭ abvieścić siabie bohaabranaju. Na heta ŭžo nia chopić ludzkoje durnoty.
Roźnica pamiž kiraŭnikom kalektyvu ź piaci čałaviek i prezydentam krainy minimalnaja. Ich jadnaje ihnaravańnie intaresaŭ padnačalenych.
Kali niechta abiacaje prynieści vialikuju karyść hramadztvu, možna nie sumniavacca, što jašče bolšuju karyść jon pryniasie sabie.
Peŭnaja katehoryja ludziej naležyć da typu, jaki možna vyznačyć jak “lider sekty”. Heta nia toje samaje, što prosta lider. Lider sekty ŭ luboj hramadzie najpierš siabie adasablaje ad astatnich, a paśla pačynaje šukać u joj blizkich sabie pa duchu. Ale šukaje jon ich tolki dla taho, kab uznačalić...
Kab naviazać ludziam svaje pohlady, nie abaviazkova vykazvać ich uhołas.
Trahiedyja čałaviectva palahaje na tym, što častka ludziej adstojvaje svaje pohlady, padśviadoma, a časam i śviadoma viedajučy, što jany pamyłkovyja.
Peŭnaja katehoryja dziejačoŭ maje ŭśviadomić sabie, što cynizm — medal dvuchbakovy. Jon nia tolki dapamahaje svajmu nośbitu pieramahać, ale j robić jaho patencyjnaj achviaraj adnadumca.
Na viaršyni karjery — adstaŭka.
My ahułam narakajem na kanservataraŭ, zabyvajučysia, što kaštoŭnaść niekatorych rečaŭ dla nas zaklučajecca mienavita ŭ ich niaźmiennaści.
Lideram ułaściva dadatnaje asabista dla ich błytać z ahulnaj karyściu.
Vykarystańnie demahohii ŭ palityčnaj baraćbie naŭprost zaležyć ad maralnaha ŭzroŭniu baraćbitoŭ. Zaležnaść prostaja: čym bolš demahohii — tym mienš marali.
Nacyjanalist — heta toj, čyja kraina nie adpaviadaje jahonym ujaŭleńniam.
Patryjatyzm — heta nia toje samaje, što luboŭ i zamiłavańnie da radzimy. Vysokaja patryjatyčnaja refleksija, na žal, moža być ułaścivaja i apošniamu chamu.
Ciapier čytajuć
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»22
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi22
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi2
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2727
Kamientary