U aŭtorak 27 lipienia, na niazbyty Dzień Niezaležnaści, chavali Dzianisa B. — 26-hadovaha pradprymalnika, jaki zahinuŭ padčas niadzielnaj zalevy ŭ Miensku.
Jon patanuŭ u sutareńni domu, ratujučy ad zatapleńnia svaju kramu rovaraŭ, svoj biznes, spravu svajho žyćcia.
Nievialiki 3-paviarchovy dom №23 staić u samaj nizinie na vulicy Kirava, nižej za znakamitym Licejem. U sutareńni niedzie z hod tamu atabaryłasia krama rovaraŭ firmy «Velacentar». Sama fir-ma isnuje ŭžo 7 hadoŭ, ale pastajanna mianiała miesca: mieła svoj namiot i na rynku ŭ Ždanovičach, i na stadyjonie «Dynama», pakul nie asieła ŭ bolš stałym pamiaškańni. Tutsama mieściŭsia skład i majsternia. U čas zalevy dvor zapaŭniaŭsia vadoj, jakaja źbiahała ź dźviuch horak. Kali Dzianis zabieh u sutareńnie, kab ratavać tavar, ctalovyja dźviery zachłopnuła vodnaja płyń, a vada praciahvała padymacca. Siabry sprabavali admyknuć dźviery, ale nie davali rady płyni. Vyklikali vyratavalnikaŭ, ale tyja pryjechali zapozna…
Los usiaho našaha maładoha biznesu, zahnanaha ŭ padpadvały, — u hetaj trahičnaj historyi.
Mienskija telekanały ŭ dzień zalevy nie skazali pra jaje ni słova. U našaj krainie niama miesca stychijnym biedztvam biez dazvołu z Administracyi prezydenta.
Arkadź Šanski
Kamientary