Aperataraŭ — pad kantrol
Prezydent Biełarusi zahadaŭ uzmacnić dziaržaŭny kantrol nad usimi aperatarami mabilnaj suviazi. Padčas narady ab raźvićci sotavaj suviazi jon zaklikaŭ źmianić kiraŭnictva Velcom dy MTS, a taksama zapatrabavaŭ, kab sotavyja aperatary nabyvali maksymum ajčynnaha abstalavańnia. Darečy, navastvorany dziaržaŭny aperatar sotavaj suviazi «BieST» užo abjaviŭ tender na zakupku aparatury dla razhortvańnia sietki.
Burštynavy «Tamplijer»
Maładečanski brovar zajmieŭ ułasny brend — «Tamplijer». Heta budzie piva klasy «premijum». Varyć jaho buduć na zamovu biełaruska-rasiejskaj kampanii «Interbir». Maładečanski brovar zusim nievialički, tamu budzie vypuskać nia bolš za šeść młn plašak u hod. Pradavać jaho buduć u stalicy dy jaje vakolicach, kaštavać plaška budzie 1 700 rub.
Kab nia vylecieć u trubu
Urad padazraje Ŭkrainu ŭ dempinhu. Kampanija «Ŭpeka Indastryz», adziny ŭ Biełarusi vytvorca stalovych trub, skardzicca na toje, što nia moža spaborničać u canie z analahičnym ukrainskim tavaram. Praz ukrainskich kankurentaŭ, jakija pradajuć truby pa zanižanych cenach, kampanija zahružanaja tolki na 23%. Kali tak pojdzie dalej, «Upeka Indastryz» moža zbankrutavać. MZS užo raspačaŭ antydempinhavaje raśśledavańnie.
Hrošaj paboleła
Abjom šyrokaj hrašovaj masy (ŠHM) u Biełarusi na 1 krasavika skłaŭ 9,247 trłn rub. i pavialičyŭsia za pieršy kvartał na 4,6 adsotka. Za sakavik abjom ŠHM pavialičyŭsia na 3,5%, u lutym — na 3,4%.
Z ahulnaha pamieru hrašovaj masy abjom hatoŭki ŭ abaračeńni (hrašovy ahrehat M0) na 1 krasavika skłaŭ 1,374 trłn.
AK, AFN
Kamientary