Usich paborali
Na čempijanacie Eŭropy pa volnaj, hreka-rymskaj i žanočaj baraćbie, što prajšoŭ u baŭharskaj Varnie, biełarusy zavajavali šeść medaloŭ — załaty, srebrany i čatyry bronzavyja. «Zołata» na rachunku Siarhieja Arciuchina (hreka-rymskaja, da 120 kh), «srebra» — u Volhi Chilko (da 63 kh), «bronza» — u Vasilisy Marzaluk (da 72 kh), Julii Ratkievič (da 59 kh), Maryi Jahoravaj (da 55 kh) i Alberta Batyrava (volnaja baraćba, da 66 kh). Pavodle pastanovy Saŭminu, pamier uznaharodžańnia za załaty medal čempijanatu kantynientu składaje da 250 bazavych vieličyń (ciapier — 6 młn 375 tys.), za siarebrany — da 150 (3 młn 825 tys.), za bronzavy — da 100 (2 młn 550 tys.).
Chakiej i niemcy
14 i 16 krasavika zbornaja Biełarusi ŭ ramkach padrychtoŭki da čempijanatu śvietu pa chakiei praviała dva tavaryskija matčy sa zbornaj Niamieččyny. U pieršym, što prachodziŭ u Miensku, biełarusy zhulali ŭničyju — 1:1, a voś u druhim matčy, u Homieli, sastupili ź likam 1:4.
Biez Saleja
Abaronca «Anahajmu» Rusłan Salej nia voźmie ŭdziełu ŭ čempijanacie śvietu pa chakiei. U najbližejšy čas u Rusłana i jahonaj siabroŭki Bety maje naradzicca dzicia, tamu biełaruski lehijaner paprasiŭ nie vyklikać jaho ŭ nacyjanalnuju zbornuju. Federacyja chakieja zadavoliła prośbu.
Aŭstralija dałučycca da Azii
Futbolnaja kanfederacyja Akijanii nia suprać pierachodu Aŭstralii ŭ azijackuju futbolnuju arhanizacyju, jakaja raniej pahadziłasia pryniać pad svaju apieku aŭstralijcaŭ. Spartovyja čynoŭniki zialonaha kantynentu miarkujuć, što takim čynam u Aŭstralii bolej šancaŭ trapić na čempijanat śvietu. Ad Azii na mundyjal «žalezna» traplajuć dźvie kamandy. A pieramožca turniru Akijanii musiŭ jašče razyhryvać adzinuju pucioŭku ŭ matčach płej-of z treciaj kamandaj Azii ci piataj kamandaj Paŭdniovaj Ameryki. Heta robić vychad na čempijanat śvietu amal niemahčymym.
AR
Ciapier čytajuć
«Vitold kazaŭ: «Nu što vy, što vy…» A mianty paśla kryčali pra mora kryvi». Palitviazień z susiedniaj kamiery raskazaŭ pra śmierć Ašurka5
Kamientary