У свой час Сівакоў моўчкі прыняў загад Лукашэнкі прывезьці з Атэнаў 25 мэдалёў, хоць добра разумеў нерэальнасьць лічбы. Як памятаем, у Атэны яго не пусьціў Эўразьвяз. Але застаючыся ў Менску, міністар усёй душой перажываў за нашых атлетаў. Варта было толькі прачытаць віншавальныя граматы беларускім мэдалістам, напісаныя не шаблённа, а шчыра.
Атлеты ня выканалі «пляну», заваяваўшы толькі 15 узнагарод з 25 заплянаваных — адстаўка Сівакова здавалася вырашанай справай. Але прэзыдэнт абмежаваўся жорсткай крытыкай міністра. Сівакоў ізноў змаўчаў.
У сьнежні зьявіліся чарговыя чуткі пра адстаўку. Тады міністар нечакана пайшоў у адпачынак. Пасьля стаў надта незалежным у сваіх словах і дзеяньнях. Сівакоў быў адзіны чалавек з ураду, які мог пахваліць крытычныя матэрыялы на спартовую тэматыку ў незалежнай прэсе ці раскрытыкаваць спартовыя парадкі. За што й паплаціўся. Людзі ў нашым урадзе, якія становяцца свабоднымі ў сваіх думках, заўсёды канчаюць аднолькава — звальненьнем.
Я перакананы, што й сапраўды незалежнай і беларускай Беларусі не зашкодзіў бы ва ўрадзе такі чалавек. Хоць са зьменай улады яго, магчыма, чакаюць судовыя справы.
Цяпер чытаюць
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу8
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне8888
Каментары