Старастаў навучальных групаў усіх факультэтаў БДУ абавязалі падаць у дэканаты сьпісы студэнтаў-палякаў і літоўцаў.
Распараджэньня рэктарату БДУ наконт гэтага не было. Сьпісы складаюць на падставе пісьма з аддзелу кадраў з адпаведнай просьбай.
Начальнік упраўленьня кадраў БДУ Алег Клімковіч адказаў нам эмацыйна: «Хто мне даў указаньне? Ніхто ня даў. Гэта я сам прыдумаў. Я начальнік упраўленьня кадраў, разумееце? Я павінен аналізаваць, хто ў мяне вучыцца, хто працуе і гэтак далей. Не шукайце ў гэтым палітычнага падтэксту».
Натуральна, нічога кепскага ў тым, каб аналізаваць склад студэнтаў па самых розных парамэтрах, няма. Але адна справа весьці ўлік замежных студэнтаў, каб потым з гонарам распавесьці пра колькасьць краінаў, якія прадстаўлены ў БДУ, і зусім іншая — складаць сьпісы беларускіх грамадзянаў паводле іх нацыянальнасьці. І чаму менавіта палякаў і літоўцаў? Які асаблівы падыход з боку кіраўніцтва ўнівэрсытэту можа быць да студэнтаў літоўскай ды польскай нацыянальнасьці?
Акцыя кадравікоў БДУ будзіць трывогу, бо нагадвае пра савецкія часы. Тады вёўся ўлік грамадзян «нядобранадзейных» нацыянальнасьцяў. Нешта падобнае рабілі і нацысты.
Сплянаваная акцыя ўліку грамадзянаў Беларусі асобных нацыянальнасьцяў будзе мець катастрафічныя псыхалягічныя і маральныя наступствы. Яна перакрэсьлівае канстытуцыйны прынцып роўнасьці грамадзянаў незалежна ад паходжаньня. Яна прымусіць беларускіх палякаў і літоўцаў хаваць сваё паходжаньне. Так пачыналіся найгоршыя старонкі гісторыі ХХ ст.
Літва зноў закрывае мяжу з Беларуссю — на нявызначаны тэрмін9
Літва зноў закрывае мяжу з Беларуссю — на нявызначаны тэрмін
Ездзілі шукаць нават у БССР, а неапазнанае цела 30 гадоў ляжала ў спецсховішчы. Новыя дэталі загадкавага знікнення ў ЗША беларускага пісьменніка Міколы Цэлеша22
Каментары