Starastaŭ navučalnych hrupaŭ usich fakultetaŭ BDU abaviazali padać u dekanaty śpisy studentaŭ-palakaŭ i litoŭcaŭ.
Rasparadžeńnia rektaratu BDU nakont hetaha nie było. Śpisy składajuć na padstavie piśma z adździełu kadraŭ z adpaviednaj prośbaj.
Načalnik upraŭleńnia kadraŭ BDU Aleh Klimkovič adkazaŭ nam emacyjna: «Chto mnie daŭ ukazańnie? Nichto nia daŭ. Heta ja sam prydumaŭ. Ja načalnik upraŭleńnia kadraŭ, razumiejecie? Ja pavinien analizavać, chto ŭ mianie vučycca, chto pracuje i hetak dalej. Nie šukajcie ŭ hetym palityčnaha padtekstu».
Naturalna, ničoha kiepskaha ŭ tym, kab analizavać skład studentaŭ pa samych roznych parametrach, niama. Ale adna sprava vieści ŭlik zamiežnych studentaŭ, kab potym z honaram raspavieści pra kolkaść krainaŭ, jakija pradstaŭleny ŭ BDU, i zusim inšaja — składać śpisy biełaruskich hramadzianaŭ pavodle ich nacyjanalnaści. I čamu mienavita palakaŭ i litoŭcaŭ? Jaki asablivy padychod z boku kiraŭnictva ŭniversytetu moža być da studentaŭ litoŭskaj dy polskaj nacyjanalnaści?
Akcyja kadravikoŭ BDU budzić tryvohu, bo nahadvaje pra savieckija časy. Tady vioŭsia ŭlik hramadzian «niadobranadziejnych» nacyjanalnaściaŭ. Niešta padobnaje rabili i nacysty.
Splanavanaja akcyja ŭliku hramadzianaŭ Biełarusi asobnych nacyjanalnaściaŭ budzie mieć katastrafičnyja psychalahičnyja i maralnyja nastupstvy. Jana pierakreślivaje kanstytucyjny pryncyp roŭnaści hramadzianaŭ niezaležna ad pachodžańnia. Jana prymusić biełaruskich palakaŭ i litoŭcaŭ chavać svajo pachodžańnie. Tak pačynalisia najhoršyja staronki historyi XX st.
Siłaviki raskazali, za što praviali chapun na tenisnym matčy7
Siłaviki raskazali, za što praviali chapun na tenisnym matčy
«Adnavili hramadski paradak, nie sastupiŭšy patrabavańniam novych vybaraŭ». Što piša Hrokipiedyja pra pratesty, Łukašenku, movu i jak dzielić spadčynu VKŁ1212
Kamientary