«Хто агент КГБ — хто не агент КГБ?.. Ці ўсе — агенты КГБ?..« — адна з ледзьве ўжо не «вечных» тэм нашага хуткаплыннага жыцця…
Адносіны да сексотаў, да агентаў спецслужбаў заўсёды былі ў грамадстве пагардлівымі, непрыязнымі. Настолькі непрыязнымі, што аднойчы
Судзілі рабочых, якія забілі фабрыканта. Пракурор давёў суду іх бясспрэчную віну. Прысяжныя ўжо гатовыя былі вынесці вердыкт: «Вінаватыя!» Але сведчыў супраць рабочых на судзе тайны агент царскай «ахранкі». Зразумела, ён не прызнаваўся ў тым, кім ён ёсць, і адвакат спытаў: «Скажыце, сведка, чым вы займаецеся?»
Далей стэнаграма суда, якую, між іншым (падрабляючы ў камісіі Час
овага ўраду) рэдагаваў Аляксандр Блок.
«Сведка маўчыць. Пракурор з абурэннем махае рукамі.
СТАРШЫНЯ СУДА звяртаецца да сведкі.
⎯ Сведка, вы можаце на гэтае пытанне не адказваць.
СВЕДКА. Дазвольце мне на гэтае пытанне не адказваць.
МУРАЎЁЎ. У мяне ёсць яшчэ пытанне да сведкі. Скажыце, сведка, чаму вы не хочаце адказваць на першае пытанне? Можа быць, вам сорамна праз тое, чым вы займаецеся?
Рух. Шум у зале. Старшыня звоніць у званочак, сярдзіта кідае сведку:
⎯ Можаце на гэтае пытанне не адказваць!
СВЕДКА. Дазвольце мне на гэтае пытанне не адказваць.
МУРАЎЕЎ. Болей у мяне пытанняў няма».
Прысяжныя апраўдалі падсудных АДНАГАЛОСНА.
Некалі ⎯ рана ці позна ⎯ на судзе над лукашызмам давядзецца адказваць на нязручныя пытанні і сённяшнім «сведкам».
Цяпер чытаюць
«Часцей за ўсё жучок ставяць недалёка ад разетак». Як сілавікі праслухоўваюць беларусаў па тэлефоне і ў кватэрах1
Каментары