Азербайджан і Арменія апублікавалі праект мірнай дамовы паміж дзвюма краінамі
Міністэрствы замежных спраў Азербайджана і Арменіі прадставілі праект пагаднення, які складаецца з 17 пунктаў. Для ўступлення дакумента ў сілу яго павінны падпісаць лідары абедзвюх краін і ратыфікаваць парламенты.
Асноўныя палажэнні праекта:
- Ерэван і Баку прызнаюць і паважаюць суверэнітэт, тэрытарыяльную цэласнасць, непарушнасць міжнародных межаў і палітычную незалежнасць адзін аднаго. Міжнароднымі лічацца межы рэспублік у часы СССР.
- Абодва бакі пацвярджаюць адсутнасць тэрытарыяльных прэтэнзій адзін да аднаго і абавязваюцца не выстаўляць іх у будучыні.
- Адмаўляюцца ад ужывання сілы, пагроз сілай і ўмяшання ва ўнутраныя справы аднаго і другога.
- Пасля ратыфікацыі пагаднення ўсталёўваюць дыпламатычныя адносіны.
- Пачынаюць працу па дэлімітацыі і дэмаркацыі мяжы і ўводзяць забарону на размяшчэнне сіл трэціх краін уздоўж мяжы.
Перад публікацыяй праекта пагаднення прэм’ер Арменіі Нікол Пашынян патэлефанаваў прэзідэнту Расіі Уладзіміру Пуціну і паведаміў яму пра вынікі сустрэчы з прэзідэнтам Азербайджана Ільхамам Аліевым і прэзідэнтам ЗША Дональдам Трампам 8 жніўня ў Белым доме. Крэмль заявіў, што Расія, маўляў, гатовая садзейнічаць комплекснай нармалізацыі армяна-азербайджанскіх адносін, у тым ліку разблакіраванню транспартных камунікацый у рэгіёне.
У ЗША Аліеў і Пашынян падпісалі мірную дэкларацыю. Таксама Ерэван пагадзіўся прадаставіць ЗША эксклюзіўныя правы на развіццё так званага Зангезурскага калідора на 99 гадоў — гэта дарога ў Сюнікскай вобласці Арменіі, якая злучае Азербайджан з ягоным эксклавам Нахічэванню. Па гэтым калідоры праходзяць шматлікія нафтаправоды і газаправоды, што робіць яго стратэгічным транспартным маршрутам Паўднёвага Каўказа.
Аліеў і Пашынян падпісалі ў Белым доме дэкларацыю аб спыненні баявых дзеянняў
Азербайджан і Арменія адкрыюць транспартны калідор пры ўдзеле ЗША і без удзелу Расіі
Расія наносіць удары па азербайджанскіх нафтагазавых аб'ектах ва Украіне
Расію падазраюць у дыверсіі — забруджванні азербайджанскай нафты для Еўропы
Азербайджан рыхтуе адказ на ўдары Расіі па азербайджанскіх нафтагазавых аб’ектах ва Украіне
Прэзідэнт Азербайджана выдзеліў два мільёны даляраў на дапамогу Украіне
Памятаеце кадэта, які на сустрэчы з Лукашэнкам смела выступіў па-беларуску? Ён выехаў з краіны21
Каментары
Стварэньне стратэгічнага транзытнага калідора паміж Армэніяй і Азэрбайджанам сапраўды зьменіць баланс сілаў на Паўднёвым Каўказе
усё Трамп выкінуў Маскоўскую імперыю з з Станаў і Каўказу ....