МАЗ не спецыялізуецца на выпуску аўтамабіляў для ракетных комплексаў Расіі. Пра гэта БелаПАН паведамілі на прадпрыемстве ў сувязі з учарашняй публікацыяй у газеце «Известия».
Як пісала выданне, «Мінабароны Расіі плануе да 2014 года адмовіцца ад далейшых закупак грузавікоў «МАЗ», на якіх перавозяцца ракетныя комплексы «Авангард» і «Ярс». Высокапастаўленая крыніца ў камандаванні ракетных войскаў стратэгічнага прызначэння паведаміла «Известиям», што замест беларускіх грузавікоў міжкантынентальныя ракеты будуць ставіць на айчынныя «КАМАЗы».
«Аўтарам апублікаванага матэрыялу дапушчана фактычная недакладнасць. Міністэрства абароны Расійскай Федэрацыі супрацоўнічае з ААТ „Мінскі завод колавых цягачоў“,якое спецыялізуецца на выпуску дарожных і пазадарожных аўтамабіляў вялікай грузапад’ёмнасці і прычапной тэхнікі ваеннага прызначэння, а не з ААТ „Мінскі аўтамабільны завод“ — кіруючая кампанія холдынгу „БелаўтаМАЗ“, якое спецыялізуецца на выпуску грузавой, пасажырскай, спецыяльнай і прычапной тэхнікі галоўным чынам грамадзянскага прызначэння», — сказалі БелаПАН на прадпрыемстве.
На думку прадстаўнікоў МАЗа, гэтая недакладнасць магла ўзнікнуць у сувязі з тым, што ААТ «МЗКЦ» першапачаткова было створана ў 1954 годзе ў якасці спецыяльнага канструктарскага бюро № 1, якое ўваходзіла ў склад Мінскага аўтамабільнага завода. У 1991 годзе Мінскі завод колавых цягачоў быў выведзены са складу ВА «БелаўтаМАЗ».
«Я ўжо думаю, як там нам на гэтым сонцы пастаяць». Лукашэнка падзяліўся з Пуціным страхам перад заўтрашнім парадам21
«Я ўжо думаю, як там нам на гэтым сонцы пастаяць». Лукашэнка падзяліўся з Пуціным страхам перад заўтрашнім парадам
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7979
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення79
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове33
Каментары