Міністр замежных спраў Беларусі Уладзімір Макей 5-6 лютага знаходзіцца з рабочым візітам у Расіі. Як паведамляе прэс-служба МЗС Беларусі, у Маскве пройдзе яго сустрэча з міністрам замежных спраў Расійскай Федэрацыі Сяргеем Лаўровым.
Падчас перамоваў кіраўнікі замежнапалітычных ведамстваў дзвюх краін плануюць абмеркаваць актуальныя пытанні беларуска-расійскага супрацоўніцтва, у тым ліку ролю замежнапалітычных ведамстваў дзвюх краін у развіцці інтэграцыйных працэсаў, практычнае ўзаемадзеянне на міжнароднай арэне, рэалізацыю праграмы ўзгодненых дзеянняў у галіне замежнай палітыкі дзяржаў - удзельніц дагавора аб стварэнні саюзнай дзяржавы на 2012-2013 гады.
З удзелам Макея ў беларускай амбасадзе ў Маскве будуць абмеркаваныя пытанні павышэння эфектыўнасці ўдзелу краіны ў інтэграцыйных працэсах з улікам старшынства Беларусі ў СНД, новага этапу развіцця АЭП, актывізацыі ўзаемадзеяння па рэалізацыі праграм і праектаў у рамках саюзнай дзяржавы.
Цяпер чытаюць
У Мінску завяршылі будаўніцтва пяцізоркавага гатэля на месцы колішняга «Белэкспа»9
У Мінску завяршылі будаўніцтва пяцізоркавага гатэля на месцы колішняга «Белэкспа»
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю33
Каментары