Здароўе11

Беларускія дактары правялі другую ў свеце аперацыю сублабарнай аўтатрансплантацыі лёгкага

Унікальную аперацыю па сублабарнай аўтатрансплантацыі лёгкага выканалі ў аддзяленні таракальнай хірургіі і трансплантацыі лёгкіх Рэспубліканскага навукова-практычнага цэнтра трансплантацыі органаў і тканак.

Пра гэта паведаміў загадчык аддзялення Сяргей Яськоў.

«Аперацыя ўнікальная, яна другая ў свеце. Пра першае такое хірургічнае ўмяшанне ў сакавіку 2012 года паведамілі японскія хірургі», — сказаў Сяргей Яськоў.

Першую ў Беларусі сублабарную аўтатрансплантацыю лёгкага выканалі 58-гадоваму мужчыну 1 лютага. «Мы сутыкнуліся з нестандартнай сітуацыяй. У пацыента была пухліна левага верхнядолевага бронха з пераходам на пачатковыя аддзелы ніжнедолевага. У такіх выпадках выконваецца пнеўманэктамія — выдаленне ўсяго лёгкага. Але ў нашага пацыента было ўтварэнне яшчэ і ў правым лёгкім. Гэтая сітуацыя запатрабавала ад нас выканання органазахавальнай аперацыі на левым лёгкім. Лёгкае дасталі, яго хворая верхняя доля і шосты сегмент ніжняй долі былі выдаленыя, пасля чаго тое, што засталося ад ніжняй долі — базальныя сегменты, — было імплантавана ў плеўральную поласць», — расказаў Сяргей Яськоў.

Аперацыя доўжылася каля шасці гадзін. Яе праводзіла брыгада з дзевяці супрацоўнікаў цэнтра. Самаадчуванне праапераванага мужчыны здавальняючае. «Ён ужо гуляе па аддзяленні, мае зносіны з іншымі пацыентамі», — адзначыў спецыяліст.

Першае ў рэспубліцы аддзяленне таракальнай хірургіі і трансплантацыі лёгкіх адкрылася ў 9-й гарадской клінічнай бальніцы Мінска ў лістападзе 2012 года. Яно разлічанае на 20 месцаў, і ў яго задачы ўваходзіць асваенне новых тэхналогій, падрыхтоўка да стварэння інсталяцыі ў краіне праграмы трансплантацыі лёгкага, выкананне аперацый па трансплантацыі гэтага органа. Плануецца, што першую перасадку лёгкага тут выканаюць у другім паўгоддзі 2013 года. Сёння ж у аддзяленне шпіталізуюць пацыентаў для пастаноўкі пасля спецыяльных абследаванняў у ліст чакання донарскага органа. Штогод у трансплантацыі лёгкіх у рэспубліцы маюць патрэбу каля 50 чалавек.

«Нягледзячы на тое, што аддзяленне існуе ўсяго тры месяцы, мы можам выконваць тут любыя органазахавальныя аперацыі, якія патрабуюць прымянення трансплантацыйных тэхналогій», — падкрэсліў Сяргей Яськоў.

Па колькасці трансплантацый органаў Беларусь займае першае месца сярод краін СНД.
У 2012 годзе тут выканана 274 аперацыі па перасадцы органаў. У цяперашні час у краіне робіцца 29 трансплантацый на 1 млн насельніцтва. Для параўнання: у Расіі — 9,1, ва Украіне — 2,2.

Каментары1

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Трамп падзякаваў «магутнаму лідару Беларусі»: Спадзяюся, 1300 чалавек хутка будуць вызвалены!59

Трамп падзякаваў «магутнаму лідару Беларусі»: Спадзяюся, 1300 чалавек хутка будуць вызвалены!

Усе навіны →
Усе навіны

Сустрэчу Трампа, Пуціна і Зяленскага могуць правесці ўжо ў найбліжэйшую пятніцу5

У вёсцы пад Брэстам мясцовыя жыхары рэгулярна канфліктуюць з адпачывальнікамі. Дайшло да абстрэлу электрамабіля7

«Аня, выходзь за мяне». Гомельская дзяўчына атрымала прапанову з незвычайным шыкам ВІДЭА4

«Гарачых тураў сёлета няма і не будзе». Адпачынак на моры стаў для беларусаў даражэйшым, але попыт усё адно высокі1

У Партугаліі зафіксавалі вогненны смерч ВІДЭА

У гатэлі Анкорыджа амерыканцы забыліся дакументы, датычныя саміту Трампа і Пуціна10

Мелоні паведаміла, што Трамп гатовы даць Украіне гарантыі бяспекі па мадэлі НАТА16

10-гадовая брытанка стала наймалодшай дзяўчынкай, якая перамагла шахматнага гросмайстра5

Мерц расказаў пра «вялікі прагрэс» пасля сустрэчы Трампа і Пуціна6

больш чытаных навін
больш лайканых навін

Трамп падзякаваў «магутнаму лідару Беларусі»: Спадзяюся, 1300 чалавек хутка будуць вызвалены!59

Трамп падзякаваў «магутнаму лідару Беларусі»: Спадзяюся, 1300 чалавек хутка будуць вызвалены!

Галоўнае
Усе навіны →

Заўвага:

 

 

 

 

Закрыць Паведаміць