Улада1010

Лукашэнка пра спорт: Усіх — мятлой, горш ужо не будзе

Аляксандр Лукашэнка 28 лютага прыняў з дакладам пра перспектывы развіцця спартыўнай галіны міністра спорту і турызму Аляксандра Шамко, памочніка прэзідэнта па пытаннях фізічнай культуры, спорту і развіцця турызму Максіма Рыжанкова і першага віцэ-прэзідэнта НАК Ігара Рачкоўскага.

«Я так разумею, што за час пасля прызначэнняў вы прыйшлі да нейкай высновы аб стварэнні больш цэласнай структуры кіравання спортам і масавымі заняткамі фізічнай культурай, — адзначыў Лукашэнка. —

І час прыйшоў. У нашым спорце адбыліся вельмі важныя падзеі, якія характарызуюць яго стан.
Я маю на ўвазе тое, што скончыўся чэмпіянат свету па веласпорце на трэку [Беларусь не заваявала ніводнага медаля — НН], наша хакейная зборная паспяхова праваліла адборачны турнір на будучую Алімпіяду (яна пройдзе практычна ў нас дома, у Сочы, але міма нас). Мінскае „Дынама“ скончыла свой удзел у КХЛ горш, чым у мінулым годзе [не прабілася ў плэй-оф — НН], не выкананыя абяцанні. Па-мойму, „Юнацтва“ ў ВХЛ правалілася цалкам» [заняла 23-е месца з 27-мі ўдзельнікаў- НН].

Паводле слоў Лукашэнкі, шэраг вузкіх месцаў выявіў і мінулы чэмпіянат свету па біятлоне.
«Калі б не Домрачава і яе перамога ў мас-старце, няма пра што было б увогуле казаць [Беларусь заваявала адзін медаль на ЧС — НН]. Але гэтая перамога не павінна нас збіваць з панталыку, і мы не павінны думаць, што ў нас там усё добра», — перасцярог Аляксандр Лукашэнка.

«Таму, фармуючы цэласную сістэму кіравання спортам у нашай краіне, трэба памятаць, што мы яе ствараем пад канкрэтныя вынікі. І калі мы зноў намалюем прыгожа на паперы, а не будзем мець вынікаў, вы ведаеце, хто за гэта адказвае», — падкрэсліў ён.

«Вам дадзены вялікія паўнамоцтвы. Калі ласка, кожны дзень, кожную гадзіну гэтым займайцеся, — сказаў Лукашэнка.
— Наперадзе зімовая Алімпіяда, не за гарамі і летняя. А акрамя Алімпіяды ў нас яшчэ чэмпіянат свету па хакеі. Я гляджу ў нас поўная цішыня ў гэтым плане».

Аляксандр Лукашэнка таксама заявіў пра неабходнасць правядзення жорсткай кадравай палітыкі ў спартыўнай сферы:
«Не справіліся — усіх мятлой, павінны прыйсці новыя людзі, якія хочуць працаваць. Горш ужо не будзе».

Каментары10

Цяпер чытаюць

Пад Мінскам адбыўся магутны выбух на газавым трубаправодзе3

Пад Мінскам адбыўся магутны выбух на газавым трубаправодзе

Усе навіны →
Усе навіны

Беларуска абурылася коштам лісічак у 55 рублёў за кілаграм3

Сярэдні заробак «бруднымі» складае 911 даляраў4

Адначасова дзве аварыі пад Мінскам, пацярпелі некалькі чалавек. Людзі кажуць пра зачараваны ўчастак трасы

«Пакуль не чуў, каб беларусаў дэпартавалі». Амерыканскі адвакат пра міграцыйную палітыку ЗША пры Трампе2

Купалаўскі тэатр прапаноўвае новую паслугу: цяпер там можна пабрацца шлюбам13

Крутога айцішніка, які вярнуўся з Грузіі, асудзілі па чатырох палітычных артыкулах10

У Амурскай вобласці Расіі разбіўся самалёт з 49 чалавекамі на борце

Два малыя браты атрымалі моцныя апёкі пры распальванні лазні

Ходзіць легенда, што Озі Осбарн адкусіў галаву жывому кажану. А што ж адбылося насамрэч?2

больш чытаных навін
больш лайканых навін

Пад Мінскам адбыўся магутны выбух на газавым трубаправодзе3

Пад Мінскам адбыўся магутны выбух на газавым трубаправодзе

Галоўнае
Усе навіны →

Заўвага:

 

 

 

 

Закрыць Паведаміць