«Газпрам» сплаціць $35 мільёнаў за знос аўтавакзала «Маскоўскі» — указ
Газавы канцэрн заплаціць за зямлю, знос вакзала і будаўніцтва дома для шматдзетных сем'яў.
ААТ «Белтрансгаз» пабудуе шматфункцыянальны комплекс на месцы аўтавакзала «Маскоўскі».Адпаведны ўказ № 153 «Аб пытаннях будаўніцтва шматфункцыянальнага комплексу ў г. Мінску» 4 красавіка падпісаў Аляксандр Лукашэнка.
Дакументам прадугледжваецца рэалізацыя ў 2013–2018 гадах ААТ «Белтрансгаз» інвестыцыйнага праекта па будаўніцтву шматфункцыянальнага комплексу ў Мінску ў межах вул. Філімонава — пр. Незалежнасці — вул. Макаёнка, які ўключае гатэль, паркінг,
Інвестару для будаўніцтва і абслугоўвання шматфункцыянальнага комплексу будзе прадастаўлены ў арэнду зямельны ўчастак плошчай 8,27 га.
За права заключэння дагавора арэнды інвестар выплаціць у бюджэт Мінска $17,2 мільёна.
Тавары, якія ўвозяцца на тэрыторыю Беларусі ў рамках рэалізацыі інвестыцыйнага праекта, будуць вызваленыя да канца 2018 ад абкладання ўвазнымі мытнымі пошлінамі і падаткам на дабаўленую вартасць.
Інвестар пакрые у бюджэт Мінска страты, звязаныя са зносам аўтавакзала «Маскоўскі» ў суме $13,7 мільёна.
Акрамя таго, інвестар дасць грошы на будаўніцтва развязкі на скрыжаванні праспекта Незалежнасці і вуліцы Філімонава (50% ад кошту праекта), а таксама на будаўніцтва жылога дома на 30 кватэр для шматдзетных сем’яў ($3,3 мільёна).
Цяпер чытаюць
Каспяровіча перад гібеллю дапытвалі ў польскай контрразведцы — распытвалі пра візы для агентаў ААЦ з пашпартамі прыкрыцця і пра Бульбу7
Каментары