Што вядома пра Паўлючэнку, які ў 2020 годзе перадаў Ціханоўскай скрутак з грашыма і суправадзіў да мяжы?
Больш за 15 гадоў адпрацаваў у службе аховы Лукашэнкі.
У прапагандысцкім сюжэце, які 6 жніўня паказаў АНТ, ключавая роля належыць 50-гадоваму кіраўніку Аператыўна-аналітычнага цэнтра Андрэю Паўлючэнку. Ён, згодна з фільмам, быў у мінскай кватэры Святланы Ціханоўскай перад яе ад'ездам і суправаджаў у машыне да мяжы. У адкрытых крыніцах звестак пра жыццё гэтага чыноўніка амаль няма.
Вядома, што да прызначэння ў Аператыўна-аналітычны цэнтр у 2017 годзе Андрэй Паўлючэнка менш за год быў кіраўніком Службы аховы Лукашэнкі. Аднак агулам ён працаваў у ахове Лукашэнкі ажно з 2001 года.
У 2016 годзе Паўлючэнка быў слухачом факультэта падрыхтоўкі і перападрыхтоўкі Інстытута дзяржаўнай службы Акадэміі кіравання па спецыяльнасці «Дзелавое адміністраванне». Якую адукацыю ён мае, дакладна невядома.
З дапамогай «Белпола» «Наша Ніва» змагла даведацца больш пра жыццё чыноўніка.
Нарадзіўся Андрэй Паўлючэнка ў 1975 годзе ў Мінску. Мае дзвюх дачок, 17-гадовую Паліну і 14-гадовую Марыю. Жонка, Ірына Паўлючэнка (Шарко), да нараджэння першай дачкі працавала эканамістам у ПУП «Прамснабтэхніка». Свяжэйшых запісаў аб месцах яе працы няма.
Ва ўласнасці Паўлючэнка мае дзве кватэры ў Мінску — на вуліцах Скрыпнікава і Вясёлкавай.
Таксама яму належыць зямельны ўчастак у садаводчым таварыстве «Мая ўцеха» пад Мінскам. Гэта тое самае таварыства, дзе за бюджэтныя грошы паставілі сабе туалеты міністр спорту Алег Качан і памочнік Лукашэнкі па спорце Ігар Заічкаў — і вылецелі з пасад.
У прапагандысцкім фільме АНТ, які апісвае падзеі 10 жніўня 2020 года, Паўлючэнка знаходзіцца ў кватэры Святланы Ціханоўскай у Мінску. Там ён перадае Ціханоўскай скрутак з грашыма. Ён жа не адзін раз падкрэслівае, што збіраецца суправадзіць лідарку дэмакратычных сілаў і кіраўніцу яе штаба Марыю Мароз да літоўскай мяжы.
«Я яму сказала: «Вы нас падарвеце ў машыне». Таму што ведаю, як сілавікі абыходзіліся з іншымі апанентамі ўлады. Я ўльтыматыўна заявіла, што калі ён хоча, каб я вывезла Святлану на сваёй машыне, то сам павінен сесці ў салон і ехаць з намі», — распавяла Мароз.
«Быў проста валанцёрам». Што вядома пра начальніка аховы штаба Бабарыкі, якога паказалі па АНТ
На канверце Ціханоўскай напісана «Медведю О.В.» Што гэта за чалавек?
Ціханоўская: Ніякіх грошай я не прасіла, мне проста ўсунулі гэты канверт. Яго да сёння не распячатвала
«Канверт для Ціханоўскай». Геніі-лукашысты зноў самі сябе выкрылі і высцебалі
На АНТ паказалі кадры, на якіх Андрэй Паўлючэнка перадае нейкі скрутак Ціханоўскай
Цяпер чытаюць
Бяспалаў канчаткова рассварыўся з Ціханоўскім: Для яго добры толькі адзін чалавек — Пракоп'еў55
Каментары