Дзевяць «дэпутатаў» ініцыююць увядзенне забароны на продаж так званых энергетыкаў.
Яны лічаць, што ўжыванне энергатонікаў (1 банка таго ж «Бёрна» роўная 8 кубкам кавы) — гэта прамы шлях да залежнасці і ўжывання амфетамінаў. І прапаноўваюць продаж энергатонікаў забараніць. Подпісы пад адпаведным зваротам да дзяржсакратара Рады бяспекі Леаніда Мальцава паставілі дэпутаты: Уладзімір Васіленка, Валерый Гушча, Зінаіда Мандроўская, Жанна Мішур, Васіль Міхно, Алег Леўшуноў, Міхаіл Пачынок, Аляксандр Сягоднік, Віктар Фясак. Звяртае на сябе ўвагу тое, што сярод падпісантаў пераважаюць не дактары, а былыя настаўнікі.
Аднак беларускія «дэпутаты» не першыя, хто спрабуе забараніць энергетыкі. У снежні 2010 года энергетычныя напоі, якія змяшчаюць кафеін, былі цалкам выключаныя з продажу на ўсёй тэрыторыі ЗША на падставе заключэння ўладаў аб іх шкодзе для здароўя.
Да нядаўняга часу энергетыкі былі забароненыя ў Францыі. І ўсё ж такі ў большасці краін прызнана, што лепш не забараняць, а тлумачыць, як ужываць такія напоі, каб яны не прынеслі шкоды.
«Лукашэнка мне сказаў: «Хочаш — можаш адказаць нам, ударыць па Мазыры, па заводзе» — Зяленскі32
Каментары