Сёння Уладзімір Пуцін і Аляксандр Лукашэнка павінны былі ўбачыць фінальныя баі сумесных вучэнняў «Захад-2013» побач з Гродна і ў Калінінградзе (Расія), дзе сумесныя войскі павінны былі «бамбіць баевікоў».
Але непагадзь ужо затрымала вылет прэзідэнта Расіі, а крамлёўскі пул амаль чатыры гадзіны кружыў над Гроднам, а потым сеў у Мінску.
Перадавы борт з крамлёўскім пулам павінен быў прызямліцца ў Гродне ў 7.30 раніцы паводле мясцовага часу). Але з-за непагадзі самалёт з журналістамі лётаў над Беларуссю лішніх тры гадзіны 40 хвілін і прызямліўся ў Мінску ў 10.10. «Не прымае аэрапорт, — тлумачыў экіпаж. — Непагадзь».
Уладзімір Пуцін павінен быў прыбыць у Гродна ў 10.30, а на палігон «Гожскі» — у 11.10. Але на момант прызямлення журналістаў Уладзімір Пуцін яшчэ нават не вылецеў. «Вучэнні пакуль не адмянялі», — сказалі РБК daily.
На «Гожскім» палігоне пад Гродна Лукашэнка і Пуцін меліся назіраць перадапошнюю фазу вучэнняў, фінальную — у Калінінградзе ў «Хмелеўцы». Кожная з бітваў будзе доўжыцца па 50 хвілін.
Салдаты паводле сцэнара знішчаюць незаконнае ўзброенае фармаванне, якое прарываецца на тэрыторыю Саюзнай дзяржавы.
Цяпер чытаюць
«Я не прысвойваў сабе мільён». 17‑гадовы блогер з Гродна, які збіраў грошы на лячэнне дзіцяці, распавядае сваю версію7
«Я не прысвойваў сабе мільён». 17‑гадовы блогер з Гродна, які збіраў грошы на лячэнне дзіцяці, распавядае сваю версію
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне7979
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне79
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1919
Каментары