На продаж выставілі дом, у якім у дзяцінстве жыў Дональд Трамп
Жылы дом у ціхім раёне Нью-Ёрка, дзе прайшлі першыя гады жыцця будучага прэзідэнта ЗША Дональда Трампа, выставілі на продаж за 2,3 мільёна долараў.
Пяціпакаёвы дом агульнай плошчай каля 316 квадратных метраў месціцца ў раёне Квінс. У 1940 годзе яго пабудаваў Фрэд Трамп, бацька будучага прэзідэнта. Менавіта тут Дональд Трамп правёў першыя гады жыцця, пакуль сям’я не пераехала ў больш прасторнае жытло, піша The New York Post.
Гэта асабняк у Цюдараўскім стылі, які нейкі час нават выкарыстоўваўся для пражывання турыстаў праз Airbnb. Аднак апошнія некалькі гадоў будынак пуставаў і паступова разбураўся — пакуль у лютым гэтага года яго не набыў мясцовы забудоўнік за 835 тысяч долараў.
Новы ўласнік правёў маштабную рэканструкцыю ўсяго за восем месяцаў. Ён захаваў арыгінальны фасад дома, але ўнутраная частка была цалкам перабудаваная. Цяпер дом зноў выстаўлены на продаж — пры тым з невялікай зніжкай: ён размешчаны ў прэстыжным раёне, дзе сярэдні кошт падобных дамоў складае ад 3 да 4 мільёнаў долараў.
Цяпер чытаюць
Дачка суддзі, якая жыўцом згарэла ў судзе ў Слуцку ў 1967-м, расказала, як склалася жыццё іх сям’і пасля гучнай трагедыі7
Каментары