Першы скандал саміта СНД у Мінску: прэзідэнт Кыргызстана не прыедзе
Першы віцэ-прэм'ер Кыргызстана Джаамарт Атарбаеў будзе прадстаўляць краіну на пасяджэннях Вышэйшага Еўразійскага эканамічнага савета і Савета кіраўнікоў дзяржаў СНД, якія пройдуць у Мінску.
Пра гэта паведамляе РІА Новости са спасылкай на аддзел інфармацыйнага забеспячэння апарату ўрада Кыргызстана.У прэс-службе кіраўніка кіргізскай дзяржавы не растлумачылі прычыну адсутнасці прэзідэнта Алмазбека Атамбаева на самітах у Мінску, растлумачыўшы толькі, што Атарбаеў ужо раней прадстаўляў Кыргызстан на снежаньскім пасяджэнні кіраўнікоў дзяржаў СНД у Ашхабадзе.
Нагадаем, у красавіку 2010 года ў Кыргызстане адбыўся дзяржаўны пераварот. Курманбек Бакіеў з неафіцыйнай жонкай і двума дзецьмі прыехаў у Беларусь па асабістым запрашэнні Аляксандра Лукашэнкі. Паводле неафіцыйнай інфармацыі, у жніўні таго ж года ён атрымаў беларускае грамадзянства.
Новыя ўлады Кыргызстана неаднаразова звярталіся ў Генпракуратуру Беларусі з просьбай аб выдачы Бакіева, але атрымлівалі адмову. Паводле меркавання беларускага боку, прававых падстаў для задавальнення просьбы аб выдачы Бакіева няма.
Каментары