Лукашэнка прапануе Пуціну абвясціць будаўніцтва беларускай АЭС маладзёжнай будоўляй
Аляксандр Лукашэнка падтрымаў ідэю пра абвяшчэнне ўзвядзення Беларускай АЭС маладзёжнай будоўляй.
Аб гэтым ён заявіў сёння на форуме «Традыцыі. Моладзь. Будучыня».
Лукашэнка паабяцаў, што ў бліжэйшы час на сустрэчы з прэзідэнтам Расіі Уладзімірам Пуціным яны разгледзяць гэту ініцыятыву, бо БелАЭС будзе ўзводзіцца з удзелам расійскіх спецыялістаў.
«Мы гэту будоўлю вядзём разам з брацкай Расіяй. Абяцаю вам, што ў бліжэйшы час мы з прэзідэнтам Пуціным разгледзім ініцыятыву, каб гэту будоўлю, а можа быць, і ўзвядзенне наступнай атамнай станцыі, якую Расія плануе будаваць у Калінінградзе, зрабіць нашымі агульнымі маладзёжнымі будоўлямі. Гэта будзе, напэўна, правільна», — сказаў Лукашэнка.
Каментары