Лукашэнка павіншаваў Маргвелашвілі з перамогай на выбарах прэзідэнта Грузіі
Аляксандр Лукашэнка павіншаваў Георгія Маргвелашвілі з перамогай на выбарах прэзідэнта Грузіі, паведаміла прэс-служба кіраўніка краіны.
«Дазвольце выказаць надзею, што ваша дзейнасць на вышэйшай дзяржаўнай пасадзе будзе спрыяць далейшаму росквіту Грузіі і развіццю ўзаемавыгаднага беларуска-грузінскага супрацоўніцтва», — гаворыцца ў віншаванні.
Паводле звестак ЦВК Грузіі, перамогу на прэзідэнцкіх выбарах, якія адбыліся 27 кастрычніка, атрымаў кандыдат ад кааліцыі «Грузінская мара» Георгій Маргвелашвілі, за якога прагаласавалі больш як 60% выбаршчыкаў.
Адзначым, Аляксандр Лукашэнка 25 кастрычніка на прэс-канферэнцыі паводле вынікаў пасяджэння Савета кіраўнікоў дзяржаў СНД запрасіў Грузію вярнуцца ў склад СНД.
Маргвелашвілі напярэдадні выбараў заяўляў, што выбарам Грузіі з'яўляецца Еўропа і Еўрапейскі саюз і на пасадзе прэзідэнта ён будзе садзейнічаць развіццю краіны ў гэтым кірунку.
Каментары