Беларускага хакеіста, які касячыў у апошніх матчах у НХЛ, пераводзяць на індывідуальныя трэніроўкі
«Чыкага» вызначыў далейшы план развіцця 20‑гадовага абаронцы Арцёма Леўшунова.
У клубе маюць намер скарэктаваць яго гульнявую нагрузку і засяродзіцца на індывідуальнай працы над ключавымі кампанентамі гульні, піша «Беларускі хакей».
Беларус рэгулярна выходзіў у складзе «Чыкага» з моманту дэбюту ў Нацыянальнай хакейнай лізе ў мінулым сезоне, аднак апошнім часам сутыкнуўся з сур’ёзнымі цяжкасцямі.
У апошніх дзевяці матчах абаронца не набраў ніводнага бала, а ў папярэдняй сустрэчы Леўшуноў устанавіў беларускі антырэкорд у НХЛ па адмоўным паказчыку карыснасці («—5») за адзін матч (гэта значыць падчас ягонага знаходжання на лёдзе каманда прапусціла пяць шайбаў)
Больш за тое, Арцём увайшоў у тройку найгоршых хакеістаў НХЛ, у сезоне у яго каэфіцыент карыснасці «-27», горшы за яго паказчык карыснасці ў Лізе маюць толькі Брок Бозер («Ванкувер») і Макензі Уігар («Калгары») — па «—30».
Трэнерскі штаб адзначае ў Арцёма праблемы ў гульні ў абароне, у тым ліку працу з дыстанцыяй, дзеянні клюшкай і выбар пазіцыі, чым актыўна карысталіся сапернікі.
Леўшуноў застаўся ў запасе на матч супраць «Каламбуса». Таксама чакаецца, што да алімпійскай паўзы ён будзе атрымліваць мінімальны гульнявы час або наогул не будзе выходзіць на лёд.
Да алімпійскай паўзы «Чыкага» правядзе дзве гульні: 3 лютага каманда прыме «Сан-Хасэ», а 5 лютага згуляе на выездзе супраць «Каламбуса».
Галоўны трэнер «Чыкага» Джеф Блэшыл пацвердзіў, што для Леўшунова падрыхтавана асобная праграма працы. Яна ўключае тры ключавыя напрамкі: кідок, гульню з шайбай і дзеянні ў абароне.
— Мы не лічым, што на гэтым этапе яму неабходна адпраўляцца ў фарм-клуб і атрымліваць больш гульнявой практыкі. Яму патрэбны час, каб перазагрузіць базавыя элементы гульні, — заявіў Блэшыл.
У гэтым сезоне Арцём правёў 51 матч, набраў 21 бал (2 галы і 19 перадач), мае паказчык карыснасці «—27» і 32 хвіліны штрафу. Пасля апошняй сустрэчы яго безвыніковая серыя дасягнула дзевяці матчаў запар.
Цяпер чытаюць
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»16
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці66
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці6
Хочаце жыць доўга — шукайце раён з нармальнымі дрэвамі. Навукоўцы высветлілі, што дрэвы ратуюць ад інфарктаў, а газоны могуць нават нашкодзіць здароўю44
Каментары