Міліцыя Івана-Франкоўска падтрымлівае жыхароў горада, заявіў гарадскі галава Віктар Анушкевічус.
«Яшчэ раз акцэнтую ўвагу на тым, што Івана-Франкоўская міліцыя з намі», — сказаў ён у выступе на веча, якім пачаўся агульнагарадскі страйку ў Івана-Франкоўску ў панядзелак, паведамляе «Украінская праўда».
«Таму сумесна з праваахоўнікамі, — а гэта нашы браты, нашы бацькі, сыны — сумесна з імі павінны забяспечыць правапарадак у горадзе», — адзначыў ён, паведамляе «Інтэрфакс-Украіна».
Гэтыя словы ўдзельнікі веча сустрэлі словамі «Малайцы».
«Ніякай правакацыі ў горадзе Івана-Франкоўску сумесна з праваахоўнікамі мы не маем права дапусціць. Як толькі хтосьці атрымае нейкі сігнал, што недзе ў горадзе з'явіліся нейкія «цітушкі», адразу паведамляйце пра гэта ў праваахоўныя органы. Яны з імі разбяруцца згодна з дзейным заканадаўствам», — заклікаў мэр.
Ён растлумачыў, што як дзяржслужачы не мае права страйкаваць. Але з іншага боку, адзначыў Анушкевічус, пры ўступленні на пасаду гарадскога галавы ён даваў клятву служыць украінскаму народу, і таму, каб падтрымаць жыхароў горада, разам са сваімі намеснікамі сышоў у адпачынак за свой кошт.
Анушкевічус заклікаў іншых дзяржслужачых такім жа чынам далучыцца да страйкоўцаў.
Адначасова на Львоўшчыне міліцыянты заявілі, што будуць абараняць удзельнікаў «Еўрамайдану».
Цяпер чытаюць
Яўген Афнагель расказаў, што было пасля суда, дзе скандавалі «Верым, можам, пераможам!» І назваў, хто для яго сапраўдны лідар Беларусі4
Каментары