Амерыканскі штотыднёвы часопіс Time назваў Чалавекам года-2013 Папу Францішка. Гэта першы за многія гады нееўрапейскі Папа, з якім звязваюць вялікія надзеі на пазітыўныя змены ў Каталіцкай царкве.
Традыцыйна часопіс Time называе «Чалавека года» ў апошнім снежаньскім нумары. Гэта мусіць быць чалавек, які найбольш паўплываў на лёс чалавецтва.
Намінацыя Time прысуджаецца з 1927 года, калі гэтым званнем уганаравалі лётчыка Чарльза Ліндберга, які ўпершыню ў гісторыі ў адзіночку пераляцеў Атлантыку.
Персону года выбірае выключна выканаўчы рэдактар часопіса. У розныя гады Чалавекам года станавіліся Адольф Гітлер, Іосіф Сталін, Джордж Буш, Міхаіл Гарбачоў (двойчы — у 1987 і 1989), абстрактны Амерыканскі салдат, а таксама карыстальнік інтэрнэту.
У 2007 годзе Чалавекам года стаў прэзідэнт Расіі Уладзімір Пуцін. У 2010 годзе — заснавальнік і кіраўнік кампаніі Facebook Марк Цукерберг. У 2011 годзе Чалавекам года зноў абраны зборны вобраз: «пратэстовец» («мяцежнік»).
Цяпер чытаюць
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу8
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне8888
Каментары