Бясплатныя заняткі па беларускай мове чакае рэбрэндынг.
Сёння, 16 снежня, у мінскай галерэі «Ў» адбыўся апошні ў 2013 годзе занятак бясплатных моўных курсаў «Мова ці кава».
Каля сотні сталых наведвальнікаў праверылі свае веды з дапамогай вясёлага тэста, падрыхтаванага выкладчыкамі Алесяй Літвіноўскай і Глебам Лабадзенкам.
Арганізатар курсаў журналістка Кацярына Кібальчыч падвяла вынікі года працы. Таксама Кібальчыч паведаміла, што з новага года не будзе займацца арганізацый мінскіх курсаў — гэты абавязак цалкам узяў на сябе Глеб Лабадзенка.
Лабадзенка запэўніў, што з любімымі многімі курсамі нічога не здарыцца і яны будуць праходзіць паводле таго самага графіка, што і раней: у панядзелак а 7-й вечара ў памяшканні галерэі «Ў». Наступны занятак адбудзецца перад Старым Новым Годам, 13 студзеня.
Адзінае, што зменіцца — гэта назва. Курсы больш не будуць насіць звыклае імя, а новую назву ўдзельнікам было прапанаваны выбраць самім наўпрост падчас наступнага занятка.
Першы занятак «Мова ці кава» адбыўся ў Мінску 19 лютага 2013 года.Бясплатныя курсы беларускай мовы — ініцыятыва беларускай журналісткі Кацярыны Кібальчыч, якая цяпер жыве ў Маскве. Кібальчыч спачатку арганізавала курсы «Мова ці кава» ў Маскве, а потым выкарыстала атрыманы досвед, каб распачаць навучанне беларускай мове ў Мінску.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3838
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі38
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4646
Каментары