Пад Гроднам п’яны кіроўца ўчыніў аварыю і папрасіў расстраляць яго — фота і відэа
18 снежня ўвечары ў вёсцы Саволеўка (Гродзенскі раён) на роўным участку дарогі не раз'ехаліся «Фальксваген» і «Фіят».
Аварыю справакаваў кіроўца «Фальксвагена» — грамадзянін Казахстана, які пражывае ў Беларусі, паведамляе сайт ДАІ Гродна і Гродзенскай вобласці.
Відавочцы сцвярджаюць, што аўтамабіль віноўніка аварыі не вынесла на сустрэчную раптоўна, а ён проста рухаўся па ёй. Прычына высветлілася пазней — кіроўца «Гольфа» быў неадэкватны з-за ўжытага алкаголю.
Ён быў настолькі агрэсіўны, што кіроўцам-відавочцам давялося яго звязаць.
У выніку аварыі мужчына не атрымаў ні адной драпіны, чаго не скажаш пра кіроўцу «Фіята». З пераломамі рэбраў, грудзіны і іншымі траўмамі яго шпіталізавалі.
Пазней «герой» стаў прыходзіць у сябе, у будынку ДАІ ён папрасіў ліст паперы і напісаў заяву, дзе прызнаў небяспеку сваіх паводзін, прычынай якіх паслужылі складаныя адносіны з яго каханай.
А таксама папрасіў прымяніць да яго вышэйшую меру пакарання.
Дакумент далучаны да матэрыялаў праверкі па дадзеным факце.
Арыштаваны 75‑гадовы Зміцер Санько — ветэран-выдавец3
Каментары