Ксёндз Уладзіслаў Завальнюк: Неяк не выпадае, каб касьцёл быў на вуліцы Савецкай,15.
7 кастрычніка падчас імшы ў менскім касьцёле сьвятых Сымона і Алены пробашч, ксёндз‑магістар Уладзіслаў Завальнюк заклікаў вернікаў зьвярнуцца да мясцовых уладаў з просьбай далучыць касьцёл да будучай вуліцы Эдварда Вайніловіча.
Нядаўна з прапановы ксяндза Уладзіслава Завальнюка менскія ўлады прынялі рашэньне перайменаваць вуліцу Бэрсана, якая знаходзіцца побач з касьцёлам, у вуліцу Эдварда Вайніловіча.
Эдвард Вайніловіч — вядомы пры канцы ХІХ — на пачатку ХХ стагодзьдзя абшарнік і мэцэнат, які падтрымліваў беларускі незалежніцкі рух, 11 чэрвеня мінулага году быў перапахаваны ў менскім касьцёле сьвятых Сымона й Алены. За свае грошы Вайніловіч пабудаваў у Менску гэты касьцёл у 1910 годзе.
У выніку рашэньня ўладаў Чырвоны касьцёл застаўся на вуліцы Савецкай, 15.
Ксёндз Уладзіслаў Завальнюк сказаў, зьвяртаючыся да вернікаў:
«Дакумэнту пакуль на руках у нас няма. Але я раюся з вамі. Неяк не выпадае, каб касьцёл быў на вуліцы Савецкай,15. Ці не варта каб касьцёл меў адрэсу Эдварда Вайніловіча, №1. І каб уніз ішла гэтая вуліца, як ішла вуліца Бэрсана.
Я думаў, што будзе Савецкая перайменавана ў вуліцу Вайніловіча. Але раз так, тады давайце зноў напішам у гарвыканкам. У нас касьцёлы — у ЖЭСах. А ў касьцёлах — музэй, архіў. Усё навыварат. Дык каб ня выйшла так, каб вуліца Вайніловіча была паблізу, а касьцёл, які ён пабудаваў, застаўся на Савецкай. Неяк ня так. Тады, калі вы жадаеце, зьвяртайцеся.
Дай Божа, каб наша сьвятыня была №1 на вуліцы Вайніловіча».
«У Віцебску заходзіў у тралейбус і казаў «Слава Украіне!». Украінца ў 67 гадоў пасадзілі за каменты, напісаныя пасля гібелі хроснай дачкі пад абстрэлам у Кіеве1010
Каментары