Каля двух гадоў прадпрымальнікі (мужчына і жанчына), на імя кожнага з якіх было зарэгістравана гандлёвае прыватнае ўнітарнае прадпрыемства, займаліся купляй-продажам аўтамабіляў. Фірмы мелі свае сайты ў інтэрнэце і недахопу ў кліентах не адчувалі.
Пытанні да бізнесменаў з'явіліся, калі адзін з кліентаў заключыў з імі дагавор на продаж свайго аўто. Прайшоў месяц, другі, а інфармацыі ад пасрэднікаў не паступала. Тады кліент ПУП вырашыў звярнуцца ў суд, але, вывучыўшы ўважліва дагавор, зразумеў, што тэрмін выканання абавязацельстваў з боку прадпрымальнікаў не абмежаваны. Другі кліент унёс 50-працэнтную папярэднюю аплату за аўтамабіль, які яму павінны былі прыгнаць на працягу тыдня. Аднак пасля заканчэння ўказанага часу ўладальнік фірмы растлумачыў: машына, маўляў, затрымліваецца на мяжы. А яшчэ праз тыдзень камерсант і зусім перастаў выходзіць на сувязь.
Усяго з заявамі ў дачыненні да нядобрасумленных прадпрымальнікаў у міліцыю звярнулася больш як дваццаць пацярпелых.
Скандал у «Еўраопце». 96‑гадоваму дзядулю не дазволілі прысесці на крэсла каля касы20
Каментары